SAN LUCAS 8:44 - Dios Rimashcata Quillcashcami

⁴⁴ Chai huarmi huashata shamushpami, Jesuspac churana puntapi tuparirca. Chaipica yahuar shamunaca jarcarircallami.

Nuevo Testamento en Quichua Cañar 1996

⁴⁴ Chai huarmi huashata shamushpa, Jesuspac churana puntapi tuparicpica, yahuar shamunaca jarcarircallami.

SAN LUCAS 8:44 Referans Kwoze

DEUTERONOMIO 22:12

Jahuata churanapica chuscu esquinapi flecoscunata ruhuangui.

HECHOS 19:12

Chaimantami Pablo tuparishca churanacunatapish, lienzocunatapish ungushcacunapac jahuapi churangapac apaccuna carca. Shina churacpica, ungushcacunaca alliyarcacunami. Millai Supaicunapish runamanta llucshicmi carca.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

SAN JUAN 5:13

Alliyashca runaca pi alliyachishcata mana yacharcachu. Chaica, Jesusca achca gentecunapurapimi carca.

SAN LUCAS 13:13

Chashna nishpa paipac uma jahuapi maquita churacpica, ña derecharishpa, Diosta “allimari cangui” nircallami.

SAN LUCAS 7:38

Chashnami Jesuspac huashata shamushpa, cungurishpa, huacashca huiquihuan chaquita jucuchirca. Chaimantaca acchahuan chaquichishpami, chaquipi mucharca. Shinallatac pai apamushca mishquilla ashnacuctami Jesuspac chaquipi churarca.

MARCOS 6:56

Mai puebloman, mai llactaman, mai huasicunaman Jesús chayacpica, ñancunapimi ungushcacunata churarca. Shina churashpaca churana puntallapipish tuparichun saquichunmi mañarca. Jesuspac churanapi tupariccunaca, tucuimi alliyarca.

SAN MATEO 20:34

Chaimantami Jesusca paicunata llaquishpa, paicunapac ñahuipi tuparirca. Chashna tuparicpica, ñapish ñahuicuna ricucpi, Jesusta catishpa rircacunallami.

SAN MATEO 8:3

Shina nicpimi Jesusca: —Ari, alliyachisha ninimi. Alliyai— nishpa, maquihuan tuparicpica, lepra ungüica runamanta chingarircami.

ÉXODO 15:26

Chaimantami paica: —Cancunapac Mandac Dios ñuca nishcata alli uyashpa, ñucapac ñaupapi imatapish cashcata ruhuashpa, mandashcacunata tucui shunguhuan uyashpa, tucuita ruhuacpica, Egiptoman cachashca shina ungüitaca cancunapacmanca manatac cachashachu. Ñucaca cancunata jambic Mandac Diosmi cani— nirca.

HECHOS 5:15

Shinallatac Pedro llandushpallapish alliyachichunmi, gentecunaca ungushcacunataca huandumushcacunandi ñanman apashpa churarca.

SAN MATEO 9:20

Chashna ricucpimi, chunga ishcai huatata yahuar cacharirishpa ungushca huarmi, Jesuspac huashata rishpa, churana tuparirca.

SAN LUCAS 8:43

Chaipica, chunga ishcai huatata yahuar cacharirishpa causac ungushca huarmimi caticurca. Chai huarmica jambiccunapacman ricushpallami, tucui charishcacunata tucuchishca carca. Pi mana alli pudishcachu carca.

SAN LUCAS 8:45

Chaimantami Jesusca: —¿Pitac ñucapi tuparin?— nirca. Shina nicpica, tucui gentecunami “pi mana tuparinchicchu” nircacuna. Shina nicpimi Pedropish, paihuan caccunapish: —¿Yachachic, cai tucui gentecuna ñitirinacushpa, shamucushca jahuachu “¿pitac tuparin?” ningui?— nirca.