SAN LUCAS 8:32 - Dios Rimashcata Quillcashcami

³² Chai urcupica achca cuchicunami micushpa puricurca. Chaimantami supaicunaca chai cuchicunapi yaicuchun saquichun mañarca. Shina mañacpica, Jesusca yaicugrichun saquircallami.

Nuevo Testamento en Quichua Cañar 1996

³² Achca cuchicuna urcupi micushpa puricucpimi, supaicunaca: —Chai cuchicunapi ñucanchictaca yaicuchun saqui— nishpa mañacpica, Jesusca yaicugrichun saquircallami.

SAN LUCAS 8:32 Referans Kwoze

ISAÍAS 66:3

Huagrata huañuchishpa ñucaman cushcaca shuc runata huañuchishpa cushca shinami. Ovejata huañuchishpa cushcaca allcuta huañuchishpa, cushca shinami. Ima ofrendata ñucaman cushcaca cuchi yahuarta cushca shinami. Inciensota cushnichishcaca yanga diosta mañashca shinami. Chashna paicuna quiquin munashcata ruhuashpa, millanayaita ruhuashpa shungupi cushicushcamantaca,

ISAÍAS 65:4

Enterrashca jutcucuna chaupipimi pacalla pacarin. Cuchi aichatami micuncuna. Mana micuna mapa aicha caldomi paicunapac mangapica tiyacun.

APOCALIPSIS 20:7

Huaranga huatacuna pactacpica Satanasca prezumanta cacharishcami canga.

1 JUAN 4:4

Cuyashca huahuacuna, cancunaca Diospacmi canguichic. Cancunapi causacuc Espirituca cai pachapaclla causac espirituta atic cashcamantami, chai llullashpa huillaccunataca mishashcanguichic.

SAN JUAN 19:11

Shina nicpimi Jesusca: —Dios mana canman cushca cacpica, ñucataca imata mana ruhuai pudinguimanchu. Shina cacpipish ñucata japichicmi canta atishpa yalli juchayucca— nirca.

SALMOS 62:11

Mandac Dios rimashcataca ishcai cutinmi uyarcani. Paica: «Ñucami tucuita ruhuacpish,

JOB 2:6

Shina nicpi, Mandac Diosca Satanastaca: —Riqui, paica cambac maquipimi. Shina cacpipish paipac causaipica ama tuparinguichu— nirca.

JOB 1:12

Shina nicpi, mandac Diosca Satanastaca: —Riqui, pai imata charishcacunaca cambac maquipimi. Shina cacpipish, ama cambac maquihuan paitaca tuparinguichu— nirca. Shina nicpimi, Satanasca Mandac Diospac ñaupamanta llucshishpa rirca.

JOB 1:10

¿Manachu canllatac paitapish, paipac huasi ucupuratapish, tucui imata pai charishcacunatapish cuidacungui? Paipac maquihuan imata ruhuacpipish yallitami bendiciangui. Chaimantami pai charishcacunaca cai llactapica yallita mirarishca.

1 REYES 22:22

Shina nicpi, chai espirituca: ‘Ñuca rishpaca, paipac tucui huillaccunapimi llullashpa huillana yuyaita churasha’ nirca. Shina nicpimi, Mandac Diosca: Canca umanguimi, can nishca shinata ruhuangapac rilla” nirca.

LEVÍTICO 11:7

Cuchica pallca shilluyuc cashpapish mana librucchu. Chaimanta ama micunguichicchu.

SAN MATEO 7:6

Dios cushcataca ama allcucunaman cunguichicchu. Achca valishca perlastapish ama cuchicunaman cunguichicchu. Chashna cucpica, yangamanta sarungacunami. Chai allcucunaca cancunataca mana ricunayachishpa llaquichingami.

SAN LUCAS 8:31

Chai supaicunaca: —Ama ñucanchicta ucu pacha jutcuman cachaichu— nishpami mañarca.

SAN LUCAS 8:33

Supaicuna runamanta llucshishpaca cuchicunapimi yaicurca. Chaimantami quingraipi singushpa, yacupi aguarishpa huañurca.