SAN LUCAS 7:41 - Dios Rimashcata Quillcashcami

⁴¹ Chashna nicpimi Jesusca: —Shuc runami ishcai runacunaman cullquita mañachirca. Shuc runamanca pichca patsac denario cullquita, caishuc runamanca pichca chunga denario cullquita mañachirca.

Nuevo Testamento en Quichua Cañar 1996

⁴¹ Chashna nicpi Jesusca: —Ishcai runacunami cullquita mañachic shuc runaman cullquita mañashcata charirca. Shucca pichca pasac denario*f** cullquita, caishucca pichca chunga denario cullquitami mañashcata charirca.

SAN LUCAS 7:41 Referans Kwoze

SAN LUCAS 7:47

Chaimantami cashna nini: Paipac achca juchacunata perdonashca cashcamantami, paica ashtahuan cuyan. Ashtahuanpish ashalla juchacunata perdonashcacunaca, ashallatami cuyan— nirca.

ROMANOS 5:20

Mandashcacunaca jucha ashtahuan mirarichunmi churashca carca. Chashna jucha miraricpica, Diosca ashtahuanmi cuyaita ricuchirca.

SAN MATEO 18:28

Chai servic chaimanta rishpaca, paiman ashalla cullquita debic runahuanmi tuparca. Chashna tupashpaca: “¡Debita cutichi!” nishpami, cungapi japirishpa sipi callarirca.

SAN MATEO 6:12

Ima shinami ñucanchic mana allita ruhuaccunata perdonanchic, shinallatac ñucanchic juchacunatapish perdonai.

ROMANOS 3:23

Tucui mashna juchayuc cashcamantami Diospac sumaimana achicmanta carupi cancuna.

SAN LUCAS 11:4

Ima shinami ñucanchicta mana alli ruhuaccunata perdonanchic, shinallatac ñucanchic juchacunatapish perdonai. Ama ima millaipi urmachun saquinguichu, ashtahuanpish tucui mana allimanta huacaichingui” ninguichic— nirca.

SAN LUCAS 13:4

Siloé torre tigrashpa, chunga pusacta ñitishca huañuccunaca, ¿tucui Jerusalenpi causaccunamanta yalli juchayuccuna cashcamantami huañushca canga yuyanguichicchu?

SAN LUCAS 12:48

Ashtahuanpish maijan servic amo mandashcata mana yachashpa, mana allita ruhuashcamantaca, macashpa llaquichina cacpipish, ashallatami macachishca canga. Maijanman Dios achcata cushpaca, achcallatatacmi mañanga. Maijanman achcata ruhuachun cushpapish achcallatatacmi ruhuachun ninga.

JEREMÍAS 3:11

Mandac Diosca: «Chai mana cazuc Judá llacta juchallishcahuan, mana cazuc Israel llacta juchallishcahuan chimbapurashpa ricucpica, Israelpac juchaca ashallami.

ISAÍAS 50:1

Mandac Diosca: «¿Maipitac cancunapac mama shina, Israel llactata shitashcata ricuchic quillcaca? Mana cashpaca, ¿pimantac debimanta caturcani? Riquichic, cancuna mana allita ruhuashcamantami catushca carcanguichic. Cancunallatac mana cazushcamantami cancunapac mama shina, llactaca millana tucushca.

NÚMEROS 27:3

«Ñucanchic taitaca shitashca pambapimi huañurca. Paica mana Corepac gentecunahuan tandanacushpa, Mandac Diosta llaquichishcamantachu huañurca. Ashtahuanpish paica, paipac juchamantami huañurca. Churicunatapish mana charircachu.

MARCOS 6:37

Shina nicpimi Jesusca: —Cancunallatac micunata caraichic— nirca. Shina nicpimi paicunaca: —¿Ishcai patsac denario cullquihuanchu tandata randimugrichun ningui?— nirca.

SAN LUCAS 7:40

Chaimantami Jesusca chai fariseotaca: —Simón, caitami nisha nini— nirca. Shina nicpimi fariseoca: —Yachachic, nilla— nirca.