SAN LUCAS 7:29 - Dios Rimashcata Quillcashcami

²⁹ Jesús chashna nicpica, tucui gentecunapish, impuestota japiccunacamanmi Dios cashcata ruhuac cashcata yacharcacuna. Chaimantami Juan bautizacucpica, paicunapish bautizarirca.

Nuevo Testamento en Quichua Cañar 1996

²⁹ (Juan huillashcata uyashpami, tucui chaipi cac gentecunapish, impuestota japiccunacaman Taita Dios cashcata ruhuac cashcata yachashpa Juan bautizacucpica, paicunapish bautizarircacuna.

SAN LUCAS 7:29 Referans Kwoze

SAN LUCAS 3:12

Impuestota japiccuna bautizarisha nishpa shamushpaca: —Yachachic, ¿imatatac ruhuashun?— nishpami tapurca.

SAN LUCAS 7:35

Ashtahuanpish Dios yachac cashcataca paita caticcunami ricuchicun— nirca.

APOCALIPSIS 16:5

Chai quipaca yacucunata mandac ángel rimashpaca: «¡Jucha illac Dioslla! Canllatacmi cangui, canllatacmi carcangui. Chashna llaquita cachashpaca, allitami ruhuashcangui.

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.

ROMANOS 10:3

Paicunaca Dios chasquisha nicucpipish mana entendishpami, quiquin ruhuashcahuan Dios chasquishca canata munarcacuna.

HECHOS 19:3

Shina nicpimi Pabloca: —¿Ima bautismotatac chasquircanguichic?— nirca. Shina nicpimi paicunaca: —Ñucanchicca Bautizac Juan yachachishcamantami bautizarircanchic— nirca.

HECHOS 18:25

Apolosca Bautizac Juanpac bautismollamantami yacharca. Chashna cashpapish, Apunchic Jesús ima shina causachun nishcamantaca allimi yacharca. Chaimantami tucui shunguhuan Apunchic Jesusmanta allita yachachirca.

SALMOS 51:4

Cantami yallita llaquichishcani. Can mana munashcatami ruhuashcani. Chaimanta juchanchinatacmi cani. Ñuca juchamanta llaquichicpica, imata mana ni pudinichu.

JUECES 1:7

Shina piticpimi, jatun mandac Adoni-bezecca: «Ñucami canchis chunga jatun mandaccunataca paicunapac chaquimanta, maquimanta mama dedota pitichircani. Shina ruhuashpaca ñuca micucpi, urmashcata micuchunmi miza ucupi churarcani. Paicunata ruhuashca shinallatacmi ñucatapish Diosca ruhuashca» nirca. Chai quipaca Jerusalenman apacpimi chaipi huañurca.

SAN MATEO 5:46

Cancuna maijan cuyaccunallata cuyashpaca, ¿ima allitatac Diosmantaca japinguichic? Chaitacarin Roma llactaman impuestota japiccunapish ruhuancunami.

SAN LUCAS 7:28

Cai pachapi huacharishcapurapica, Bautizac Juanmanta yalli alli huillacca manatac tiyashcachu. Chashna cacpipish, Dios mandacucpica, yangalla runami Juanta atishpa alli nishcaca. Chaica chashnatacmi can— nirca.

SAN LUCAS 20:6

Cutin: “Runacunallami cachashca” nicpica, gentecuna ñucanchicta rumicunahuan shitashpa huañuchingami. Chaica, tucui gentecunami Juantaca “Dios ima nishcata huillacmi” nincuna— ninacurca.