SAN LUCAS 7:24 - Dios Rimashcata Quillcashcami

²⁴ Juanpac cachashcacuna rishca quipa, Jesús Juanmanta gentecunaman parlashpaca: —Shitashca pambapica, ¿imatatac ricungapac rircanguichic? ¿Huairahuan cuyucuc carrizollatachu ricungapac rircanguichic?

Nuevo Testamento en Quichua Cañar 1996

²⁴ Juan cachashcacuna Jesusman tapushpa ricpica, chaipi caccunaman Juanmanta Jesús parlashpaca: —Cancunaca shitashca pambapica, ¿imatatac ricugrircanguichic? ¿Huairahuan caiman chaiman cuyucuc carrizollatachu ricugrircanguichic?

SAN LUCAS 7:24 Referans Kwoze

EFESIOS 4:14

Shina cashpami ñucanchicca huahuacuna imatapish jahualla cric shina, chai pandachishpa puric, yachac tucushca gentecuna yachachishcata catishpa, huaira apashca shinaca ña mana cashun.

SAN LUCAS 3:2

Anaspish, Caifaspish curacunata mandac curacunami carca. Chai punzhacunapimi Diosca Zacariaspac churi Juanman shitashca pambapi huillarca.

SAN LUCAS 1:80

Chai huahuaca huiñashpami Diosmanta ashtahuan yachacushpa, israelcunaman huillana punzha pactangacaman shitashca pambapi causarca.

2 PEDRO 3:17

Chaimanta cuyashca criccuna, puntaman caicunata ña yachashcamantaca, mana allita ruhuaccuna pandata yachachicpi, chaita uyashpa alli caticushcata saquishpa paicunata mana catingapacca, allimi huacaichirina canguichic.

2 PEDRO 2:17

Chai pandata yachachiccunaca yacu illac jundu, shinallatac puyuta huaira apashca shinacunami. Shina cashpami, paicunaca huiñaicaman jatun amsapi shitashca cangapac cancuna.

SAN JUAN 1:23

Shina nicpimi Juanca: —Dios ima nishca huillac Isaiasca: “Quishpichic shamuna ñanta derechaichic” nishpa, shitashca pambapi caparicuc shinami cani— nirca.

GÉNESIS 49:4

Canca yacu callpacuc shina, mana jarcaric cashpami, ñuca sueñuna camapi, ñuca caishuc huarmihuan sueñushpa, mana allita ruhuarcangui. Chaimanta ña mana punta churichu cangui.

SAN LUCAS 7:23

Cushicuichic, ñucata caticushcamanta mana pingaccuna— nirca.

SAN LUCAS 7:25

Chaica, ¿imatatac ricungapac rircanguichic? ¿Shuc alli churashca runatachu ricungapac rircanguichic? Ashtahuanpish alli churanata churashcacunaca cushillami jatun mandaccunapac huasipi causan.