SAN LUCAS 7:17 - Dios Rimashcata Quillcashcami

¹⁷ Jesús chashna ruhuashcaca tucui Judea llactapi, muyundi llactacunapimi yacharirca.

Nuevo Testamento en Quichua Cañar 1996

¹⁷ Jesús chashna ruhuashcataca Judea llactapi causaccunapish, tucui muyundic llactacunapi causaccunapish tucui mashnami yachac chayarcacuna.

SAN LUCAS 7:17 Referans Kwoze

SAN LUCAS 7:14

Jesús cuchuyashpa, chai huandushcapi tuparicpica, huandushpa riccunaca shayarircami. Chashna cacpimi Jesusca: —Huambra, cantami jatari nini— nirca.

MARCOS 6:14

Tucui llactacunapimi Jesús imata ruhuashcaca yacharirca. Chaimantami mandac Herodesca: —Bautizac Juanmi huañushcacunapuramanta causarishca canga. Chaimantami paica milagrocunata ruhuacunga— nirca.

MARCOS 1:28

Jesusmantaca Galilea llacta muyundipi tucui causaccunami chayarcacuna.

SAN MATEO 9:31

Ashtahuanpish chai paicuna chaimanta rishpaca, tucui llactacunapimi Jesús imata ruhuashcataca huillarca.

SAN MATEO 9:26

Jesús chashna ruhuashcaca, tucui chai llactacunapimi yacharirca.

SAN MATEO 4:24

Chai ruhuashcaca tucui Siria llactapimi uyarirca. Shina uyaricpimi, Jesuspacmanca nanaihuan caccunatapish, ungüihuan llaquilla caccunatapish, supai japishca caccunatapish, yuyai illac tucushcacunatapish, paralisis ungüihuan caccunatapish apamurca. Jesusca tucui chai ungushcacunatami alliyachirca.

SAN MATEO 2:1

Judea llacta Belén pueblopimi Jesusca huacharirca. Chai punzhacunaca Herodesmi chai llactataca mandacurca. Chaipimi inti llucshina ladomanta, yachaccuna Jerusalén puebloman shamurca. Paicunaca lucerota ricushpa yachacuccunami carca.

SAN LUCAS 4:14

Jesusca Diospac Espiritupac poderhuanmi Galilea llactaman cutirca. Paimantaca tucui llactacunapimi parlanacurca.