SAN LUCAS 5:33 - Dios Rimashcata Quillcashcami

³³ Chaimantami chai tapuccunaca: —Bautizac Juanpac yachacuccunapish, fariseocunapac yachacuccunapish tauca cutinmi ayunashpa, Diosta mañan. ¿Ima nishpatac cambac yachacuccunaca mana ayunashpa micunlla, ubianlla?— nircacuna.

Nuevo Testamento en Quichua Cañar 1996

³³ Jesús chashna nicpimi, chai tapuccunaca: —Bautizac Juanpac yachacuccunapish, fariseocunapac*f** yachacuccunapish tauca cutinmi ayunashpa, Taita Diosman mañancuna. ¿Ima nishpatac cambac yachacuccunaca mana chashna ruhuashpa micuncunalla, ubiancunallari?— nircacuna.

SAN LUCAS 5:33 Referans Kwoze

SAN LUCAS 20:47

Viudacunapac huasicunatapish quichuccunami. Chashna ruhuashpaca, alli ricuringapacmi unaita Diosta mañac tucun. Chashna ruhuashcamantaca, paicunallatacmi ashtahuan llaquita apanga— nirca.

SAN LUCAS 18:12

Ñucaca semanapi ishcai cutinmi ayunani. Tucui ñuca charishcacunamanta patsacmanta chungata cucmi cani” nishpa mañarca.

HECHOS 9:11

Shina nicpimi, Apunchic Jesusca: —Jatari, Derecha shuti ñanman ri. Judaspac huasipi yaicushpa, Tarso pueblomanta Saulota tapui. Chai huasipimi paica Diosta mañacun.

SAN JUAN 3:25

Chaipimi Juanpac maijan caticcunahuan, maijancunaca, Israel shuc runahuan chuyayanamanta rimanacurca.

SAN JUAN 1:35

Cayandi punzhaca cutinmi Juanca paipac yachacuccunahuan carca.

SAN LUCAS 11:1

Shuc cutinmi Jesusca Diosta mañacurca. Mañashca quipa shuc yachacucca: —Apunchic Jesús, Juan paipac yachacuccunata yachachishca shina, ñucanchictapish Diosta mañanata yachachi— nirca.

MARCOS 12:40

Viudacunapac huasicunatapish quichuccunami. Chashna ruhuashpaca, alli ricurishun yuyashpami, Diosta unaita mañac tucuncuna. Chashna ruhuashcamantaca, paicunallatacmi ashtahuan llaquita apangacuna» nirca.

SAN MATEO 23:13

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunami jahua pacha Dios mandacucman yaicusha niccunata jarcanguichic. Chashnami cancunapish mana yaicunguichic, yaicuchunpish mana saquinguichic.

ZACARÍAS 7:6

Micushpapish, ubiashpapish, ¿manachu cancunallamantac ruhuarcanguichic?” ningui» nirca.

ISAÍAS 1:15

¡Cancunapac maquica huañuchishca yahuarllami! Chaimantami cancuna maquita alzashpa mañacpica, ñuca ñahuita pacasha. Yallita mañacucpipish manatac uyashachu.

PROVERBIOS 28:9

Maijanpish mandashcata mana uyasha nishpa caruyactaca pai mañashcatapish Mandac Diosca mana uyanayachinchu.

SAN LUCAS 2:37

Paica pusac chunga chuscu huatatami viuda carca. Chai yuyac huarmica Diosta mañana huasimanta mana llucshishpami, punzhanta Diosta servishpa, mañashpa ayunashpa, causac carca.

SAN LUCAS 5:32

Ñucaca mana cashcata ruhuaccunatachu cayac shamurcani, ashtahuanpish juchayuccunatami Diosman cuti richun cayac shamurcani— nirca.

SAN LUCAS 5:34

Chashna nicpimi Jesusca: —Novio paicunahuan cacpica, ¿bodaman cayashcacunataca ayunachinmanchu?