SAN LUCAS 5:29 - Dios Rimashcata Quillcashcami

²⁹ Leví Jesus-huan rishpaca, paipac huasipimi jatun micuita ruhuarca. Chaipimi impuestota japic tauca runacunapish, yallita juchayuc nishca runacunapish micucurca.

Nuevo Testamento en Quichua Cañar 1996

²⁹ Leví runa Jesushuan rishpaca, paipac huasipimi jatun micuita ruhuarca. Chai huasipica, impuestota japic tauca runacunapish, shinallatac caishuc juchayuccunapish micucurcacunami.

SAN LUCAS 5:29 Referans Kwoze

SAN LUCAS 15:1

Impuestota japiccunapish, israelcuna caishuc juchayuccunapish, achcacunami Jesús huillashcata uyangapac cuchuyarca.

1 CORINTIOS 10:27

Maijan mana cric micunata carangapac cayacpica, rinata munashpaca, ama caita chaita yuyashpa, tucui carashcata micuichiclla.

SAN JUAN 12:2

Chaipimi Jesusman shuc cenata ruhuarca. Chaitaca Martami caracurca. Lazaropish Jesus-huanmi mizapi micushpa tiyacurca.

MARCOS 2:15

Jesusca Levipac huasipimi micucurca. Chaipimi impuestota japic runacunapish, yallita juchayuc nishca gentecunapish, paipac yachacuccunapish paihuan micushpa tiyacurca. Jesustaca achcacunami caticurca.

SAN MATEO 9:10

Chaimantaca Jesusca Mateopac huasipimi paipac yachacuccunahuan micucurca. Shinallatac impuestota japic runacunapish, juchayuc cashcamanta chicanyachishca runacunapish chaipimi Jesus-huan mizapi micucurca.

SAN MATEO 5:46

Cancuna maijan cuyaccunallata cuyashpaca, ¿ima allitatac Diosmantaca japinguichic? Chaitacarin Roma llactaman impuestota japiccunapish ruhuancunami.

SAN MATEO 9:9

Chaimanta Jesús rishpaca, Mateotami Roma llactaman mizapi impuestota japishpa, tiyacucta ricurca. Chaimantami paitaca: —Ñucata cati— nirca. Chashna nicpimi, Mateoca jatarishpa catishpa rirca.

SAN MATEO 11:19

Runa Tucungapac shamushca ñuca imatapish micuc, vinotapish ubiacpica: “Cai runaca yalli micucmi, vinotapish ubiacmi, impuestota japiccunahuanpish, caishuc juchayuccunahuanpish tandaricmi” ninguichicmi. Cancuna chashna nicucpipish, Dios yachac cashcataca paita cazuccunami ricuchicun» nirca.