SAN LUCAS 5:17 - Dios Rimashcata Quillcashcami

¹⁷ Shuc punzha Jesús yachachicucpimi, fariseocunapish, mandashcacunata yachachiccunapish chaipi tiyacurca. Paicunaca Galilea llactamantapish, Judea llactamantapish, Jerusalén pueblomantapishmi shamurca. Jesusca Diospac poderhuan cashcamantami ungushcacunata alliyachirca.

Nuevo Testamento en Quichua Cañar 1996

¹⁷ Jesús shuc punzha yachachicucpimi, fariseocunapish,*f** mandashcacunata yachachiccunapish chaipi tiyacurcacuna. Chaicunaca Galilea llactamantapish, Judea llactamantapish, Jerusalén pueblomantapishmi shamurcacuna. Taita Dios paihuan cashcamantami, Jesusca ungushcacunataca alliyachirca.

SAN LUCAS 5:17 Referans Kwoze

SAN LUCAS 6:19

Alliyachiclla cashcata yachashpami, tucui gentecuna Jesuspi tuparina yuyailla carca.

SAN LUCAS 8:46

Chashna nicpipish Jesusca: —Maijancharimi ñucapi tuparin. Ñucapac podermi ñucamanta llucshin— nirca.

HECHOS 19:11

Diosca mancharina milagrocunata ruhuachumi Pabloman poderta curca.

SAN MATEO 11:5

Ñahui mana ricuccuna ricucushcatapish, suchucunapish puricushcatapish, leprahuan ungushcacuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillagrichic.

HECHOS 4:30

Can quishpichichun cachashca Jesus-huan ungushcacunata alliyachichun, milagrocunata ruhuachun ñucanchicta ayudaiyari. Canca imatapish ruhuacllami cangui» nishpa mañarcacuna.

MARCOS 7:1

Jerusalenmanta shamuc fariseocunapish, maijan mandashcacunata yachachiccunapish Jesuspacmanmi cuchuyarca.

MARCOS 5:30

Jesusca alliyachic poder paimanta llucshicpimi, huashaman tigrarishpaca: —¿Maijantac ñuca churanapi tuparin?— nishpa tapurca.

SAN MATEO 15:1

Jerusalenmanta shamuc maijan fariseocunapish, mandashcacunata yachachiccunapish Jesuspacman cuchuyashpaca:

SAN JUAN 3:21

Cashcata ruhuashpa causaccunaca, Diosllatac ruhuachicushcata yachachunmi, achicman cuchuyancunalla— nirca.

SAN LUCAS 2:46

Ña quimsa punzhapimi, Diosta mañana huasipi mandashcacunata yachachiccunahuan, paicunata uyashpa, tapushpa tiyacucta tarircacuna.

SAN LUCAS 15:2

Chaita ricushpami fariseocunapish, mandashcacunata yachachiccunapish rimarishpaca: —Cai runaca juchayuccunahuan tandarishpa micunllami— ninacurca.

SAN LUCAS 7:30

Ashtahuanpish fariseocuna, mandashcacunata yachachiccunaca Dios ima paicunaman allita ruhuasha nishcataca mana chasquishun nircachu. Shinallatac Juan bautizacucpica, mana bautizarisha nircachu.

SAN LUCAS 5:30

Fariseocunapish, mandashcacunata yachachiccunapish chaita ricushpa, Jesuspac yachacuccunataca: —¿Ima nishpatac impuestota japiccunahuanpish, caishuc juchayuccunahuanpish micucunguichic, ubiacunguichic?— nircacuna.

SAN LUCAS 5:21

Chaimantami fariseocunapish, mandashcacunata yachachiccunapish: “Cai runaca, ¿pi cashpatac Diosta piñachin? Juchacunata pipish mana perdonai pudinchu, Diosllami perdonan” nishpa yuyacurca.

MARCOS 16:18

Culebracunata maquihuan japirishpapish, ima venenocunata ubiashpapish, mana ima tucungachu. Shinallatac ungushcacunapac uma jahuapi maquita churacpica, alliyangallami— nirca.

MARCOS 3:22

Jerusalén pueblomanta mandashcacunata yachachiccuna shamushpaca: «Cai runaca supaicunata mandac Beelzebuhuan cashpami, supaicunataca llucchishpa cachan» nircami.

MARCOS 1:45

Ashtahuanpish chai runaca, ima shina alliyashcataca tucuimanmi parlai callarirca. Chaimantami Jesusca mai pueblomanpish mana yaicui pudishpa, shitashca pambacunapi puricurca. Shina cacpipish, tucui llactacunamantami paipacman shamuc carca.

SAN JUAN 3:10

Shina nicpimi Jesusca: —Canca israelcunata yachachicmi cangui. ¿Chashna cashca jahuachu caita mana yachangui?

HECHOS 5:34

Ashtahuanpish tandanacushca mandaccunapuramanta fariseo Gamalielca apostolcunata canzhaman llucchichun mandarca. Gamalielca tucuipac alli nishcami carca. Shinallatac Moisés mandashcacunata alli yachachicmi carca.