SAN LUCAS 5:12 - Dios Rimashcata Quillcashcami

¹² Jesús shuc puebloman chayacpimi, lepra ungüihuan ungushca runa shamurca. Chai runa pambacaman cumurishpaca: —Can alliyachisha nishpaca, alliyachinguimanllami— nishpa mañarca.

Nuevo Testamento en Quichua Cañar 1996

¹² Chai q'uipa shuc puebloman Jesús chayashca cacpica, lepra*f** ung:uihuan apiyacuc runa Jesuspacman shamushpaca, cungurishpa pambacaman cumurishpaca: —Ñucata can alliyachisha nishpaca, alliyachinguimanllami— nishpa, mailla mañarca.

SAN LUCAS 5:12 Referans Kwoze

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

SAN LUCAS 17:16

Chashna cutimushpami, Jesuspac ñaupapi pambacaman cumurishpa diosolopagui nirca. Ashtahuanpish chai runaca, Samaria llacta runami carca.

SAN MATEO 9:28

Jesús huasiman yaicucpi, ñahui mana ricuc chai ishcai runacuna paipacman shamucpimi Jesusca: —¿Cancunaca ñuca alliyachinataca cringuichicchu?— nirca. Shina nicpimi, chai runacunaca: —Apunchic Jesús, crinchicmi— nircacuna.

HEBREOS 7:25

Paimanta Diospacman cuchuyaccunataca, huiñai huiñaipacmi quishpichin. Paica huiñaitami causacun, chashnami huiñaita mañacun.

SALMOS 91:15

Pai ñucata mañacpica, ñucaca uyashami. Pai yallita llaquihuan cacpica, ñucaca paihuanmi casha. Paita quishpichishpami alli nishca cachun ruhuasha.

SAN MATEO 26:6

Jesusca Betania pueblopi causac, lepra ungüihuanmi nishca Simonpac huasipimi carca.

ÉXODO 4:6

Cutinllatac Mandac Diosca: —Cunanca, cambac maquita quinzhupi sati— nirca. Chaipimi paica maquita quinzhupi satirca. Maquita quinzhumanta llucchicpica, sisu ungüihuan rasu shina yurac maquimi llucshirca.

GÉNESIS 18:14

Mandac Diosmanca, ¿imapish mana ruhuaipacca tiyanchu? Cunan shina shamuc huata ñuca cutimucpica, Saraca ñami shuc cari huahuata charinga— nirca.

1 CRÓNICAS 21:16

David huichai ricushpaca, Mandac Diospac ángel cai pachahuan jahua pachahuan chaupipi shayacuctami ricurca. Shinallatac paipac maquihuanca espadata Jerusalén pueblo ladoman ricuchishpa charicuctami ricurca. Chaimantami Davidpish, israelcunata pushac yuyaccunapish sharpa churanata churarishpa allpacaman cumurirca.

2 REYES 5:1

Siria llactata jatun mandacpac soldadocunata mandac Naamanca paipac amopac ñaupapica mai alli nishcami carca. Mandac Diosca Siria llactataca Naamanmantami macanacuita mishachishca carca. Chaimantami paica mai alli nishca carca. Paica alli sinchi runa cashpapish lepra ungüitami charirca.

1 REYES 18:39

Chaita tucui gentecuna ricushpa, allpacaman cumurishpaca: «¡Mandac Diosca, Diostacmi! ¡Mandac Diosca Diostacmi!» nircacuna.

JOSUÉ 5:14

Shina tapucpi chai runaca: —Mana, ashtahuanpish Mandac Diospac soldadocunata mandacmi cani— nirca. Shina nicpi, Josueca pambacaman cumurishpa, allimari cangui nishpaca: —Ñucata mandaclla canta servictaca, ¿imatatac ruhuachun ninguiyari?— nirca.

DEUTERONOMIO 24:8

Lepra ungüi ricuricpica, levita curacuna mandashcata allita yachacunguichic. Paicuna tucui nishcata ruhuanguichic. Ñuca nishcacunataca tucuita pactachinguichic.

LEVÍTICO 9:24

Mandac Diospac ñaupamanta nina llucshimushpami, tucui rupachina animal aichatapish, altar jahuapi churashca huiratapish tucui rupachirca. Caita ricushpaca, tucui israelcunami cushicushpa, pambacaman cumurishpa, Mandac Diostaca allimari cangui nirca.

MARCOS 5:23

paipac ñaupapi cungurishpaca: —Ñuca ushimi huañugricun. Can rishpa, ñuca ushipac uma jahuapi maquita churacpica, mana huañungachu, alliyangami— nishpa mañarca.

2 REYES 7:3

Samaria pueblo yaicunapimi lepra ungüi japishca chuscu runacuna tiyarca. Paicunami caishuc chaishuc parlanacushpaca: —¿Ima nishpatac caipica huañuita shuyashpa tiyacunchic?

2 REYES 5:27

Can chashna ruhuashcamantaca Naamanpac lepra ungüica canpi llutaric shinami cantapish, cambac huahuacunatapish huiñaita llaquichinga— nirca. Shina nicpi, lepra ungüi japicpi, chai runapac aichaca rasu shina yuranlla tucushpa, Eliseopac ñaupamanta llucshirca.

LEVÍTICO 13:16

Ashtahuanpish llullu aicha yuracyashca ricuricpica, chai ungushca runataca curapacmanmi apana can.

SAN LUCAS 5:13

Shina nicpimi Jesusca: —Ari, alliyachisha ninimi. Alliyai— nirca. Shina nishpa, maquihuan tuparicpica, lepra ungüica anchurircallami.