SAN LUCAS 4:18 - Dios Rimashcata Quillcashcami

¹⁸ “Ñucaca Diospac Espirituhuanmi cani. Diosca huacchacunaman alli huillaita huillachunmi ñucataca acllashca. Shungupi llaquilla causaccunata alliyachichunmi cacharca. Prezucunata cacharinata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunmi cacharca.

Nuevo Testamento en Quichua Cañar 1996

¹⁸ “Ñucaca Diospac Espirituhuanmi cani. Taita Diosca ñucata acllashpaca, llaquilla causac huacchacunaman alli huillaita huillachun, shungupi llaquirishpa causaccunatapish alliyachichunmi cacharca. Prezu caccunamanpish, ña chaimanta llucshina tiyashcata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunpish cacharcami.

SAN LUCAS 4:18 Referans Kwoze

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

SAN MATEO 11:5

Ñahui mana ricuccuna ricucushcatapish, suchucunapish puricushcatapish, leprahuan ungushcacuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillagrichic.

HECHOS 10:38

Diosca Nazaret pueblomanta Jesusman paipac Espirituta cushpami, poderyucta ruhuarca. Dios paihuan cashcamantami Jesusca maipipish allita ruhuashpa, llaquichic Satanás japishcacunatapish alliyachishpa purirca.

SAN LUCAS 7:22

Jesús paicunata alliyachishpaca: —Juanpacman rishpa, cancuna imata ricushcatapish, uyashcatapish huillanguichic. Ñahui mana ricuccuna ricucushcatapish, suchucuna puricushcatapish, lepra ungüihuan caccuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillanguichic.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

ISAÍAS 42:7

ñahui mana ricuccunapac ñahuita pascachun, prezumanta cacharichichun, amsapi caccacunata llucchichunmi churasha.

SAN JUAN 12:46

Maijanpish ñucata cricca ama amsapi cachunmi, ñucaca achicyachic luz shina cai pachaman shamurcani.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.

COLOSENSES 1:13

Diosmi amsa millai yuyaicuna mandashpa huatashca shina charicucmanta, paipac cuyashca Churi mandacucman aparca.

SAN MATEO 4:16

Amsapi causac cancunami shuc jatun luzta ricurca. Amsapi huañunalla caccunatami, chai luzca achicyachirca» nishcami.

ISAÍAS 32:3

Chaimantami ñahuicunapish mana ashtahuan amsayanga. Ringripish mana huichcaringa.

SALMOS 147:3

Shungu paquirishcacunata allichicmi. Chugricunata jambishpa tapachicmi.

ISAÍAS 35:5

Pai shamucpica, mana ricuccunapac ñahuipish, mana uyaccunapac ringripish pascaringami.

SAN MATEO 5:3

«Juchayuc cashcamanta Diosta mashcaccuna, ¡cushicuichic! Jahua pacha Dios mandacucca cancunapacmi.

SAN LUCAS 6:20

Jesús paipac yachacuccunata ricushpaca: «¡Cushicuichic, huacchacuna! Jahua pacha Dios mandacucca cancunapacmi.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

SAN JUAN 3:34

Dios cachashcami, Dios rimashcata riman. Diosca yallitami paipac Espirituta cushca.

ISAÍAS 59:21

Mandac Diosca: «Cancunahuanmi ari nini. Ñuca Espiritupish, cancunapac shimipi ñuca churashca rimaicunapish cunanmanta pachami cancunamanta, cancunapac huahuacunamanta, cancunapac nietocunamanta huiñai huiñaita mana caruyan» ninmi.

ISAÍAS 50:4

Mandac Diosmi ñucataca shaicushca causaccunata samachichun yachachirca. Tucui tutamantami pai yachachishcata tucui shunguhuan uyachun ricchachin.

SALMOS 102:20

Chaica prezucuna huacashpa mañashcata uyangapac, huañuchingapac charicushcacunata cacharichingapac chashnaca ricurca.

DANIEL 9:24

Israelcunapacpish, Diospac acllashcacunapacpishmi canchis chunga semanacunata chicanyachishca tiyacun. Chai semanacunapimi mana cazunatapish, juchata ruhuanatapish saquinga. Shinallatac chai semanacunallapitacmi mana allita ruhuashcatapish pichanga, huiñaita cashcata ruhuanga. Muscuipi shina ricushcatapish, Dios huillachishcatapish sellanga. Shinallatac Diospac caccunata aceitehuan cahuishpa ashtahuan Diospacllata ruhuanga.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

ISAÍAS 49:9

Shinallatac prezucunataca: “¡Llucshichic!” nichun, purapi causaccunataca: “¡Ricuichic!” nichunmi, chashnaca ruhuasha. Ñan cuchucunapimi michinga. Chaquishca urcucunapipish quihuata charingami.

ISAÍAS 45:13

Ñucami mandac Cirotaca cashcata ruhuanata yachachishpa, alli ñanta pusharcani. Paimi ñuca llactataca cutin shayachishpa, ñuca acllashcacunata prezumanta cacharichimunga. Paica ima cullquita, ima caranata mana japishpami chashna ruhuanga» ninmi. Chaitaca tucuita Mandac Diosmi nini.

SALMOS 34:18

Mandac Diosca shungu nanarishcacunapac cuchullapimi. Llaquihuan caccunatapish quishpichingami.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

SOFONÍAS 3:12

Cancunapac chaupipica huaccha yangalla gentecunatami saquisha. Paicunami Mandac Dios ñucata yuyarishpa causanga.

SALMOS 2:2

Cai pacha jatun mandaccunapish, quipa mandaccunapish tandanacushpami Mandac Diostapish, aceitehuan cahuishca jatun mandactapish, mana cazushpa piñancuna.

SAN JUAN 1:41

Andresca paipac huauqui Simonhuanracmi tupangapac rirca. Shina rishpaca: —Ñami Mesias-huan tuparcanchic— nirca. (“Mesías” nishpaca, “Quishpichic Cristo” nisha ninmi).

SAN MATEO 12:20

Cashcata ruhuashpa taripangacaman huishtuyashca cañatapish mana paquingachu, ashalla japiricuc mechatapish mana huañuchingachu.

SALMOS 51:17

Can Diosca animalta chasquinapac randica shungu paquirishcatami chasquingui. Dioslla, shungumanta llaquirishpa cambacman cuchuyactaca mana piñanguichu.

ZACARÍAS 11:11

Chai punzhami ari nishcata pactachinaca tucurirca. Chashna paquicpimi, ovejacunata randic ñucata ricushpa shayacuccunaca Mandac Diospac rimashcata yachac chayarca.

EZEQUIEL 9:4

Mandac Diosca chai runataca: «Jerusalén chaupita rishpa, millaita ruhuashcamanta llaquirishpa, caparishpa huacacuccunapac frentepi shuc señalta churai» nirca.

ISAÍAS 66:2

Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

HECHOS 4:27

Chashna nishca shinami, cai pueblota mandac Herodesca Poncio Pilatohuanpish, israelcunahuanpish, mana israelcunahuanpish jucha illac Jesusta llaquichingapac tandanacurca. Diosmi Jesustaca Cristo cachun cacharca.

SALMOS 45:7

Canca cashcata ruhuactami cuyangui. Millaita ruhuactaca piñanguimi. Chaimantami cambac Diosca can jatun mandacta acllashca. Mishquilla ashnacuc aceitehuan cahuishpami, canhuan puric caishuccunamanta yalli cushicuita cushca.

2 CRÓNICAS 34:27

‘Cai llactatapish, cai llactapi causaccunatapish ñuca llaquichigricushcata uyashpaca, cambac shungupi nanarishpa, ñuca ñaupapi llaquirishpa cumurircanguimi. Shina llaquirishpaca, cambac churanatapish lliquishpami, ñuca ñaupapi huacarcangui. Chashna llaquirishcataca ñucapish uyarcanimi.

SAN MATEO 12:18

«Caipimi ñuca acllashca servicca. Paitami ñucaca cuyani. Paimi ñucata cushichin. Paimanmi Espirituta cusha. Tucui llactacunapi cashcata ruhuashpa mandanamanta huillanga.

SAN LUCAS 4:17

Pai rezachunca, Dios ima nishcata huillac Isaías quillcashcatami curca. Chaita pascashpa ricushpaca:

HECHOS 4:26

Cai pachapi jatun mandaccunapish, llactata mandaccunapish Mandac Diosta piñashpa, pai cachashca Quishpichic Cristota piñashpa macashun nishpami tandanacun” nishcami.