SAN LUCAS 3:5 - Dios Rimashcata Quillcashcami

⁵ Huaicucunapish pamballami tucunga. Urcucunatapish urmachishpa, pamballami canga. Huishtu ñancunapish derechashca, ucu jahua ñancunapish sumacta allichishcami canga.

Nuevo Testamento en Quichua Cañar 1996

⁵ Tucui uchilla, shinallatac jatun urcucunapish pambayachishca, huaicucunapi jundachishca, pamballami canga. Huishtu ñancunapish derechashca, shinallatac ucu jahua ñancunapish sumacta allichishcami canga.

SAN LUCAS 3:5 Referans Kwoze

ISAÍAS 42:16

Ñahui mana ricuccunataca paicuna mana ricsishca ñantami pushasha. Paicuna mana ricsishca chaqui ñantami allita pushasha. Paicunapac ñaupapica pura tutataca achictami ruhuasha. Mana puripac ñancunata sumac pamballata ruhuashpami, paicunataca mana saquisha.

ISAÍAS 40:4

¡Tucui pugru pambacunataca allpata jundachishpa, urcucunatapish, lomacunatapish pamballata ruhuashpa allichichic! ¡Huishtu ñancunataca sumacta ancho ñancunata ruhuaichic!

ISAÍAS 49:11

Tucui ñuca lomacunatami ñanta ruhuasha. Ñuca ñancunatapish cutin allichishami.

ISAÍAS 45:2

«Ñucami cambac ñaupata rishpa, urcucunatapish pambayachisha. Bronce pungucunatapish paquishpami, fierro aldabacunataca ñutuchisha.

EZEQUIEL 17:24

Mandac Dios ñuca jatun yurata urmachishpa, uchilla yurata jatunyachic cashcatapish, verdinlla yuracunata chaquichishpa, chaquishca yurata verdiyachic cashcatapishmi shuctac yuracunaca yachanga. Chaitaca Mandac Dios ñucami nini. Chaitaca pactachishatacmi” ninmi ningui» nirca.

SANTIAGO 1:9

Maijan cric imata mana charishpapish, Dios jatunyachina cashcamantaca cushillami cana can.