SAN LUCAS 3:14 - Dios Rimashcata Quillcashcami

¹⁴ Maijan soldadocuna tapushpaca: —Ñucanchicca, ¿imatatac ruhuashun?— nirca. Shina tapucpimi Juanca: —Ama manchachishpa, cullquita cobraichicchu. Ama cullquita japingaraicu, pitapish manchachichicchu. Mashna cullquita japicushcallahuan cushilla caichic— nirca.

Nuevo Testamento en Quichua Cañar 1996

¹⁴ Shinallatac maijan soldadocunapish: —Ñucanchicca, ¿imatatac ruhuana canchic?— nirca. Shina tapucpimi Juanca: —Pitapish macanahuan manchachishpa, mana quichunachu canguichic. Cullquita japingaraicu, pitapish mana yanga juchanchinachu canguichic. Mashna cullquita japicushcallahuan cushilla caichic—nirca.

SAN LUCAS 3:14 Referans Kwoze

ÉXODO 20:16

Ama yanga pitapish juchanchishpa llaquichingui.

FILIPENSES 4:11

Chashnaca cancuna ñucaman imallata cuchun nishpaca mana ninichu, ñucaca imalla tiyashcallahuan cushi causanatami yachacushcani.

LEVÍTICO 19:11

Ama shuhuanguichicchu. Ama llullanguichicchu shinallatac caishuc chaishuc ama umanacunguichicchu.

ÉXODO 23:1

Ama llullashpa rimanguichu. Ñucata mana cazuccunata ayudangaraicu ama llullanguichu.

SAN LUCAS 19:8

Zaqueo jatarishpaca: —Apunchic Jesús, ñuca charishcacunamanta chaupitami huacchacunaman cugrini. Maijanmanta umashpa shuhuashcataca chuscu cutin yallihuanmi cutichigrini— nirca.

APOCALIPSIS 12:10

Shina tucushca quipami jahua pachamanta sinchita caparishpaca: «Cunanmi quishpirinapish, Diospac imata ruhuanapish, Dios mandanapish, pai cachashca Quishpichic Cristo mandanapish chayamushca. Tutapish, punzhapish Diospac ñaupapi ñucanchic huauquicunata juchanchishpa llaquichictaca ñami caimanta llucchishpa shitashca.

TITO 2:3

shinallatac ñaupa huiñai huarmicunatapish alli nishca cachun, mana huashalla parlaric, mana machac, ashtahuanpish allita yachachic cachun yachachingui.

FILIPENSES 2:15

Chashna ruhuashpami, cai pacha mana cric millai gentecunapac chaupipica, Diospac huahuacuna cashcamanta mana pi juchanchishca, allita ruhuac, achicyachic lucerocuna shina canguichic.

HECHOS 10:7

Paihuan parlacuc ángel ricpica, Cornelioca ishcai serviccunata shinallatac Dios yuyailla causac soldadotami cayarca.

SAN MATEO 8:5

Jesús Capernaúm puebloman chayagricucpi, Roma llactamanta pasac soldadocunata mandac cuchuyashpaca:

SAN LUCAS 3:10

Chai gentecunaca Juantaca: —Shinashpaca, ¿imatatac ruhuashun?— nishpa tapurca.

SAN LUCAS 3:13

Chashna tapucpimi Juanca: —Impuestotaca japina cashcallata cobraichic— nirca.