SAN LUCAS 24:28 - Dios Rimashcata Quillcashcami

²⁸ Jesusca Emaús puebloman chayacushpaca, pasaric shinami tucurca.

Nuevo Testamento en Quichua Cañar 1996

²⁸ Paicuna ricushca puebloman ña chayacushpaca, Jesusca pasaric shinami tucurca.

SAN LUCAS 24:28 Referans Kwoze

MARCOS 6:48

Yachacuccunaca huaira ñaupamanta jarcacpimi, canoata mana purichi pudicurca. Chaitami Jesusca ricurca. Ña punzhayacuctami Jesusca yacu jahuata rishpa, paicunapac ñaupata rigrirca.

GÉNESIS 42:7

Joseca paipac huauquicunata ricushcahuanmi ricsirca. Shina cashpapish, mana ricsic tucushpami: —¿Cancunaca maimantatac shamunguichic?— nishpa, sinchita rimarca. Shina rimacpimi paicunaca: —Canaán llactamantami granota randingapac shamunchic— nirca.

GÉNESIS 32:26

Chaimantami chai runaca: —Ñami pacarimun, cachari— nirca. Shina nicpica Jacoboca: —Ñucata mana bendiciacpica, mana cacharishachu— nirca.

GÉNESIS 19:2

Chashna cumurishpaca: —Ñuca amitocunalla, cancunata servic ñuca huasipi pacaringapac shamuichic, chaipi chaquitapish jahuanguichic. Cayaca ñanta catishpa ringuichicllami— nirca. Shina nicpimi angelcunaca: —Mana, cunan tutaca canzhallapimi pacarishun— nirca.

SAN LUCAS 24:29

Chaimantami paicunaca mana cachashun nishpa: —Ñami chishi, shinallatac tutayacun. Caillapi ñucanchic-huan saquiri— nirca. Chaimantami Jesusca paicunahuan saquirishpa, samaringapac yaicurca.