SAN LUCAS 24:27 - Dios Rimashcata Quillcashcami

²⁷ Chashna nishpami, Moisés quillcashcamanta callarishpa, Dios ima nishcata tucui huillaccuna quillcashcacamanmi paimanta huillacushcata entendichirca.

Nuevo Testamento en Quichua Cañar 1996

²⁷ Chashna nishpaca, Moisés quillcashcamanta callarishpa, tucui ñaupa huillaccuna quillcashcacamanmi, Dios quillcachishcapi paimanta imalla nishcacunataca huillashpa, alli entendichirca.

SAN LUCAS 24:27 Referans Kwoze

ISAÍAS 7:14

Cunanca, Mandac Diosllatacmi shuc señalta ricuchigrin. Carihuan manarac chayarishca solterami huicsayuc tucushpa shuc cari huahuata charinga. Chai huahuataca Emanueltami shutichinga.

SAN LUCAS 24:44

Micushca quipaca, Jesusca: —Ñucaca cancunahuan cashparacmi, Moisés mandashcacunapipish, Dios ima nishcata huillaccuna quillcashcacunapipish, Salmocunapipish ñucamanta huillashcacuna pactachunmi, chashnaca tucurca— nishpa huillarca.

DEUTERONOMIO 18:15

Mandac Diosca cancunapuramantami ñuca shina shuc huillacta acllanga. Paita cazunguichic.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

HECHOS 10:43

Dios ima nishcata tucui huillaccunami: “Jesusmi, paita criccunapac juchacunata perdonanga” nishpa huillarca— nirca.

SAN JUAN 5:39

Huiñai causaita japisha nishpami, Dios quillcachishcataca allita ricushpa yachacunguichic. Chai quillcashcacunami ñucamanta huillan.

SAN JUAN 1:45

Felipe Natanaelta mashcangapac rishpa, paihuan tupashpaca: —Moisés mandashcacunapi quillcashpa huillashca, Dios ima nishcata huillaccuna quillcashca ñucanchic shuyacushca runahuanmi tuparcanchic. Paica Nazaret pueblomanta Josepac churi Jesusmi— nirca.

GÉNESIS 22:18

Ñuca nishcata pactachishcamantaca canmantami tucui cai pachapi causaccuna bendiciashca canga” ninmi— nirca.

ISAÍAS 50:6

Ñucata macaccunamanmi ñuca huashata ricuchircani. Ñuca barbasmanta chutaccunamanmi ñuca ñahuita ricuchircani. Ñucata tucashpa burlacmantapish ñahuita mana pacarcanichu.

SAN LUCAS 24:25

Chashna nicpimi Jesusca: —¡Cancunaca yuyai illac upacuna cashpami, Dios ima nishcata huillaccuna ñucamanta huillashcataca mana utca cringuichic!

ZACARÍAS 13:7

Tucuita Mandac Diosca: «¡Espadalla, michictapish, ñuca ricsiccunatapish llaquichingapac jatariyari! Chai michicta can chugrichicpi, ovejacuna caita chaita ricpica, ñucami huahua ovejacunata llaquichisha.

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

MIQUEAS 7:20

Canca ñucanchic ñaupa taitacunahuan ari nishca shinami, Jacobopac huahuacunamanpish pactachingui. Taita Abrahamtapish llaquinguimi.

DANIEL 7:13

Tuta muscuipi shina ricucucpimi, jahua pacha puyupi Runa tucushcapac churi shina, maijanchari shamucucta ricurcani. Chai yuyac runapac ñaupaman shamucpimi, yuyac runapacman pusharca.

SALMOS 132:11

Mandac Diosca pactachishatacmi nishpami Davidhuan ari ninacushpaca: «Can mandashpa tiyarinapica cambac huahua huahuapurallatatacmi churasha.

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

GÉNESIS 26:4

Cambac huahua huahuacunataca jahua pacha lucerocunata shinami mirachishpa, tucui cai allpacunata cusha. Cambac huahua huahuacunamantami tucui cai pachapi causaccunataca bendiciasha.

HECHOS 7:37

Chai Moisesllatacmi israelcunataca: “Cancunata Mandac Diosca ñucata cachashca shinami, cancunapuramanta shuc huillacta cachanga. Pai ima nishcata cazunguichic” nirca.

EZEQUIEL 34:23

Paicunata michichunca, ñucata servic Davidtami churasha. Paillami michinga.

EZEQUIEL 37:25

Ñucata servic Jacoboman cushca, ñaupa taitacuna causana llactapimi causanga. Chaipimi paicunapish, huahuacunapish, nietocunapish huiñaita causanga. Ñucata servic Davidmi huiñaita paicunapac jatun mandac canga.

HECHOS 3:24

Dios ima nishcata huillac Samuelmanta callarishpami, tucui huillaccuna cai punzhacunapi ima tucunamantaca huillashca.

HECHOS 3:22

Moisesca ñaupa taitacunataca: “Mandac Diosmi ñucata cachashca shina cancunapuramanta shuc huillacta cachanga. Pai tucui ima nishcata cazunguichic.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

APOCALIPSIS 19:10

Shina nicpimi angelta alli ningapac paipac ñaupapi cungurircani. Chashna cunguricpica: «Ama chashna ruhuaichu. Ñucapish can shina Jesús huillashcata mana cungarishpa catic, cambac huauquicuna shinallatac Diospacta ruhuacmi cani. Diostami alli nina cangui» nirca. Diosmanta huillaccunamanca Jesús huillashcacunami huillana yuyaita cun.

GÉNESIS 12:3

Canta alli niccunataca alli nishami, mana alli niccunataca mana alli nishachu. Canmantami tucui cai pachapi causaccunaca bendiciashca canga» nirca.

NÚMEROS 21:14

Chaimantami Mandac Diospac macanacuimanta quillcashca libropica: «Puca Cuchatapish, Arnón yacutapish pasarcanchicmi.

DEUTERONOMIO 1:45

Chaimanta cutishpami Mandac Diospac ñaupapi huacarcanguichic. Shina huacacpipish, Mandac Diosca mana uyarcachu, mana tigra ricurcachu.

ISAÍAS 1:23

Mandaccunapish mana cazuncunachu. Shuhuaccunahuan apanacuccunami tucushca. Tucui paicunami cullquita pacalla japinallata munancuna. Imatapish pacalla cuchunllami munancuna. Taita mama illac huahuacunatapish, viuda huarmicunatapish mana ayudanchu.

ISAÍAS 8:17

Mandac Diosca Jacobopac huahua huahuapuramanta ñahuita pacashcami. Ñucaca paitami shuyashpa, yuyarishpa causasha.

ISAÍAS 9:1

Shina cacpipish, chai mancharina llaquihuan causaccunaca mana chashna causacungallachu. Ñaupa punzhacunapica Diosmi Zabulonpac, Neftalipac aillucunata llaquichirca. Shina llaquichishpapish, mana israelcuna causacuc Galilea llactapi causaccunatapish, mama cucha patacunapi causaccunatapish, Jordán yacu chimba ladopi causaccunatapish yallitami cushichinga.

MIQUEAS 5:6

Paicunami Nimrod llactatapish, Asiria llactatapish jatun macanacuita cachashpa tucuchinga. Chashnami ñucanchic llactaman shamushpa, Asiriocunapac maquimanta quishpichinga.

MARCOS 4:34

Paicunamanca chimbapurashca parlocunallahuanmi imatapish yachachirca. Paipac yachacuccunallahuan cashpaca, ima nisha nishcatapish tucuimi entendichirca.

SAN JUAN 5:37

Ñucata cachac Taitapish ñucamantami huillan. Shina cacpipish, cancunaca jaicapi paitaca mana ricushcanguichicchu, pai rimashcatapish mana uyashcanguichicchu.

SAN JUAN 12:41

Isaiasca Jesuspac sumaimana cashcata ricushpami, paimanta chashna huillarca.

HECHOS 3:18

Dios, pai ima nishcata huillaccunaman: “Quishpichic Cristoca llaquita apashpami huañunga” nishpa huillashca pactachunmi, chashnaca tucushca.

HECHOS 8:35

Shina nicpimi, Felipeca pai rezacushca quillcallatatac japishpa ricushpaca, Jesusmanta alli huillaita callaimanta huillarca.