SAN LUCAS 24:23 - Dios Rimashcata Quillcashcami

²³ Paicuna Jesuspac cuerpota mana tarishpa, huasiman cutimushpaca: “Angelcuna ricurishpa: ‘Jesusca ñami causarin’ nishpami huillan” nircami.

Nuevo Testamento en Quichua Cañar 1996

²³ Paicunaca Jesusta enterrashca sepulturapi cuerpota mana tarishpami, huasiman cutimushpa: ‘Angelcuna ricurishpaca: “Jesusca ñami causarin” nishpami huillan’ nircacunami.

SAN LUCAS 24:23 Referans Kwoze

SAN LUCAS 24:22

Ashtahuanpish manarac pacaricpi, ñucanchicpuramanta maijan huarmicuna maipi enterrashcapi ricumushpaca, ashtahuanmi manchachirca.

SAN LUCAS 24:24

Ñucanchicpuramanta maijan sepulturapi ricungapac rishpapish, huarmicuna nishca shinallatacmi ricurca. Ashtahuanpish Jesustaca mana tarircacunachu— nirca.

SAN JUAN 20:18

Chashna nicpi, Magdala pueblomanta María rishpaca, Apunchic Jesusta ricushcatapish, imata pai nishcatapish tucuimi paipac yachacuccunamanca huillarca.

SAN MATEO 28:6

Paica mana caipichu. Pai nishca shinami ña causarirca. Paita maipi churashcata ricuc shamuichic.

MARCOS 16:11

Paicunaca Jesús causarishcatapish, María ricushcatapish mana crircacunachu.

SAN LUCAS 24:3

Ucuman yaicushpaca Apunchic Jesuspac cuerpota mana tarircachu.