SAN LUCAS 23:26 - Dios Rimashcata Quillcashcami

²⁶ Jesusta chacatangapac apacushpami, campomanta shamucuc Cirene pueblomanta Simonhuan tuparca. Paitami Jesuspac huashata cruzta apachishpa pusharca.

Nuevo Testamento en Quichua Cañar 1996

²⁶ Jesusta chacatangapac ña apacushpami, chagramanta shamucuc Cirene pueblomanta Simón runata japircacuna. Paitaca Jesuspac huashata cruzta apachishpami pusharcacuna.

SAN LUCAS 23:26 Referans Kwoze

HECHOS 6:9

Chaimantami, maijan “Servic cashcamanta cacharichishca” nishcacunapish, Cirene pueblomanta, Alejandría pueblomanta, Cilicia llactamanta, Asia llactamanta runacunapish Estebanhuan rimari callarircacuna.

HECHOS 6:6

Chashna acllashpami apostolcunapacman pushamurca. Paicunaca chai runacunapac uma jahuapi maquita churashpami, Diosta mañarcacuna.

HECHOS 2:10

Frigia llactamanta, Panfilia llactamanta, Egipto llactamanta, Africa, Cirene pueblo cuchulla llactacunamantami canchic. Roma llactapi causac israelcunapish, Israel aillucunapishmi canchic. Maijancunaca israelcuna yachachishcata caticcunallami canchic.

SAN LUCAS 14:27

Maijanpish ñucata catingapac shamushpapish, cruzpi chacatashca shina llaquita mana apasha nicca, mana ñuca yachacuc cai pudinchu.

SAN LUCAS 9:23

Chaipi caccunataca: —Maijanpish ñucata catisha nishpaca, quiquin causaita mana llaquinachu can. Cruzpi chacatashca huañuna shina llaquita apana cashpapish, ñucata punzhanta catichunlla.

HECHOS 13:1

Antioquía pueblo tandanacushca criccunapica, Dios ima nishcata huillaccunapish, yachachiccunapishmi tiyarca. Paicunaca: Bernabé, Níger nishca Simón, Cirene pueblomanta Lucio, Galilea llactata mandac Herodes-huan huiñac Manaén, Saulomi carca.

SAN LUCAS 23:25

Cutin, mandac-huan piñarishpa gentecunata jatarichishcamanta, huañuchishcamanta prezu cac runataca cacharircami, ashtahuanpish Jesustaca gentecuna munashca ruhuachunmi curca.

SAN MATEO 5:41

Maijan quipita shuc kilometrota apashpa cui nicpica, ishcai kilometrota apangui.