SAN LUCAS 22:44 - Dios Rimashcata Quillcashcami

⁴⁴ Jesús yalli llaquihuan cashpami, ashtahuan Diosta mañarca. Jumbipish yahuar shinami pambaman shuturca.

Nuevo Testamento en Quichua Cañar 1996

⁴⁴ Jesús munai llaquihuan cashpami, ashtahuan Taita Diosman mañarca. Chashna mañacucpica, jumbipish yahuar shinami pambaman shuturca.

SAN LUCAS 22:44 Referans Kwoze

LAMENTACIONES 1:12

Caita pasac maijancunaca, ¿manachu ñucata llaquinguichic? Mandac Dios nina japiric shina piñarishca punzhapi, ¿ñucata llaquichishca shina, llaquita ricushcanguichicchu?

HEBREOS 5:7

Apunchic Jesucristoca cai pachapi causacushpami, huañuimanta quishpichic Diosta caparishpa, huacashpa mañarca. Jesusca Diosta yallita cazushpami causarca. Chaimantami Diosca uyarca.

ROMANOS 8:32

Diosca, paipac quiquin Churitapish tucui ñucanchicmanta llaquita apachun, mana jarcarishpa, cushpaca, ¿manachu paipac Churita cushca shina imatapish cunga?

ISAÍAS 53:10

Chaica, Mandac Diosmi paita llaquichinata munarca. Ñucanchic juchacunamanta animalta tucui rupachic shina, pai tucushcataca quipa miraicuna ricungami. Shinallatac unaitami causanga. Mandac Dios munashca shinami causanga.

SAN JUAN 12:27

Cunanca yallita llaquillami cani. ¿Cunanca imatac nisha? ¿Taitalla, cai llaquimanta anchuchiyari nishachu? Mana chashna nishachu, llaquita apangapacmi shamurcani.

SAN LUCAS 22:45

Diosta mañashpa jatarishpaca yachacuccunapacmanmi cutirca. Yachacuccuna llaquihuan cashcamanta sueñucucpimi tuparirca.