SAN LUCAS 21:37 - Dios Rimashcata Quillcashcami

³⁷ Jesusca punzhaca Diosta mañana huasipimi yachachic carca. Tutaca Olivos urcumanmi ric carca.

Nuevo Testamento en Quichua Cañar 1996

³⁷ Punzhaca Diosman mañana huasipimi Jesusca yachachic carca. Tutaca Olivos urcumanmi ric carca.

SAN LUCAS 21:37 Referans Kwoze

SAN LUCAS 22:39

Jesús chaimanta llucshishpaca, Olivos urcumanmi ric cashca shinallatac rirca. Yachacuccunapish catishpami rirca.

MARCOS 11:19

Ña chishitaca Jesusca Jerusalenmanta llucshishpa rircami.

SAN MATEO 26:55

Shinallatac Jesusca paita japiccunataca: —¿Shuhuacta shinachu espadacunahuan, caspicunahuan japingapac, shamunguichic? Punzhantami Diosta mañana huasipi yachachishpa cancunahuan carcani. Chaipica mana japircanguichicchu.

SAN MATEO 21:17

Jesusca paicunata chaipi saquishpami, Jerusalenmantaca Betania puebloman rishpa, chaipi pacarirca.

SAN MATEO 21:1

Jerusalén puebloman chayamucushpaca, Olivos urcu ladopi cac Betfagé uchilla pueblo chimba ladomanmi chayarca. Chaiman chayashpa, ishcai yachacuccunata Jesús cachashpaca:

HECHOS 1:12

Chai quipami, apostolcunaca Olivos urcumantaca Jerusalén puebloman cutimurca. Chai urcuca Jerusalenmanta shuc kilómetro shinapimi carca.

SAN JUAN 12:1

Pascua fiestapac sucta punzha siricpimi, Jesusca Betania puebloman rirca. Jesús causachishca Lazaropish chaipimi causarca.

SAN LUCAS 19:37

Jesús ña Jerusalenman cuchuyashpa, Olivos urcu cuchuta urai ricucpica, pai milagrocunata, mancharinacunata ruhuashcamantami tucui paita catishpa riccunaca cushicushpa, Diosta alli nishpa caparirca.

MARCOS 11:12

Cayandi punzha Betania pueblomanta llucshicushpaca Jesusca yarcachircami.

SAN MATEO 26:30

Himnota cantashca quipami, Olivos urcuman rircacuna.

ZACARÍAS 14:4

Chai punzhami Mandac Diosca Jerusalén chimbapuramanta inti llucshina ladoman cac Olivos urcu jahuapi sarunga. Chashna sarucpimi, chai urcuca inti llucshina ladomanpish, inti tigrana ladomanpish chaupiringa. Shina chaupiricpimi, chai urcu chaupica jatun pugru pamba tucunga. Chaupi urcuca jahua ladoman, caishuc chaupi urcuca ura ladomanmi saquiringa.

MARCOS 14:49

Punzhantami cancunahuan Diosta mañana huasipica yachachicurcani. Chaipica mana japircanguichicchu. Ashtahuanpish Dios quillcachishcapi nishca pactachunmi, cashna japingapac shamushcanguichic— nirca.

SAN LUCAS 19:29

Betfagé pueblo, Betania pueblo cuchulla, Olivos urcumanmi chayarca. Chaimanta Jesús paipac ishcai yachacuccunata cachashpaca:

SAN LUCAS 19:47

Jesusca tucui punzhacunami Diosta mañana huasipi yachachic carca. Cutin curacunata mandac curacunapish, mandashcacunata yachachiccunapish, llactata mandaccunapish Jesustaca ima shina huañuchinatami yuyacurca.

SAN JUAN 18:2

Jesusca tauca cutinmi paipac yachacuccunahuan chaipi tandanacuc carca. Chaimantami, japichic Judaspish chai huertata ricsirca.