SAN LUCAS 21:16 - Dios Rimashcata Quillcashcami

¹⁶ Cancunataca ricsishcacunallatac, familiacunallatac, huauquicunallatac, taita mamacunallatacmi huañuchichun japichinga. Chashna japichicpica, maijan cancunataca huañuchingami.

Nuevo Testamento en Quichua Cañar 1996

¹⁶ Cancunataca alli ricsishcacunallatac, quiquin huasi ucupurallatac, huauquicunallatac, taita mamacunacamanmi huañuchichun japichingacuna. Chashna japichicpica, maijan cancunataca huañuchingacunami.

SAN LUCAS 21:16 Referans Kwoze

SAN LUCAS 12:53

Taitaca churita, churica taitata, mamaca huarmi huahuata, huarmi huahuaca mamata, suegraca nuerata, nueraca suegratami piñanga— nirca.

APOCALIPSIS 6:9

Pichcaniqui sellota Pactalla Oveja pascacpica, Diosmanta allita huillashcamanta huañuchishcacunapac almacuna altar ucupi cactami ricurcani.

JEREMÍAS 9:4

Huauquicunapish umaccunami. Ricsishcacunaca juchanchiccunami. Chaimanta tucui ricsishcacunamantapish, huauquicunamantapish cuidaringuichic.

APOCALIPSIS 12:11

Paicunaca Pactalla Oveja huañushpa yahuarta jichashcamanta, alli huillaita huillashcamantami chai llaquichictaca mishashca. Huañuna cacpipish, mana mancharcacunachu.

APOCALIPSIS 2:13

Satanás maipi mandacucpi can causacushcata, shinallatac can imata ruhuashcatapish yachanimi. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichu.

HECHOS 12:2

Chashnami Juanpac huauqui Jacobota espadahuan huañuchichun mandarca.

HECHOS 7:59

Chashna rumicunahuan shitacucpimi, Estebanca: «Apunchic Jesús, ñuca almata pushaiyari» nishpa mañarca.

MARCOS 13:12

Huauquica, quiquin huauquita, taitaca quiquin churitami huañuchichun japichinga. Churicunaca taita mamata piñashpami huañuchichinga.

SAN MATEO 10:21

Huauquica quiquin huauquillatatac, taitaca quiquin churillatatacmi huañuchiccunaman japichinga. Huahuacunaca taita mamata piñashpami, huañuchiccunaman japichinga.

JEREMÍAS 12:6

Cambac huauquicunallatac, cambac huasi ucupuracunallatacmi canta llaquichingapac jatarishca. Paicunaca cambac huashallapimi caparishpa rimarincuna. Chaimanta paicuna sumacta rimacpipish, ama cringuichu.

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

SAN LUCAS 21:17

Ñucata caticushcamantami, tucui gentecunapac piñashca canguichic.