SAN LUCAS 20:20 - Dios Rimashcata Quillcashcami

²⁰ Chaimantami ima mana allita nicpica, juchanchishpa llactata mandacman japichingapac, shuc cashcata ruhuac runacunata tapuchun cacharca.

Nuevo Testamento en Quichua Cañar 1996

²⁰ Chaimantami ima mana allita nicpica, juchanchishpa chai llactata mandacman japichingapac, allita tapuc shinalla Jesusman tapuchun cacharcacuna.

SAN LUCAS 20:20 Referans Kwoze

SAN LUCAS 11:54

Ima mana allita nicpica, juchanchingapacmi chashnaca tapurca.

SAN MATEO 27:2

Shina yuyarishpami, Jesusta huatashpa, chai llactata mandachun mandac Pilatopacman aparca.

JEREMÍAS 11:19

Ñucaca, ñucata huañuchinata yuyaricushcata mana yachashpami, huañuchina ucuman ric llaquilla oveja shina carcani. Piñaccuna: «Paipac shutita pipish ama ashtahuan yuyarichun, yurataca pucushca granondi pitishpa, cai pachapi causaccunapuramanta tucuchishunchic» ninacushcami carca.

SALMOS 81:15

Mandac Diosta mana ricunayachiccunaca paita cazushpami causanman carca. Paicunapac causaica huiñaitami alli canman carca.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.

SAN LUCAS 20:26

Gentecunapac ñaupapi Jesús tucuita allita huillacpimi, paicunaca imata mana juchanchi pudishpa, yallita mancharishpa saquirirca.

MARCOS 3:2

Fariseocunaca Jesusta juchanchingaraicumi chai runata samana punzhapi allichicta ricuracurcacuna.

JEREMÍAS 20:10

Tucui ladocunapimi ñucata huashalla rimashpaca: «¡Manchaica tucui llactacunapimi! ¡Chaitaca huillaichicyari, huillashunchicyari!» nincuna. Ñucahuan apanacuccunapish ñuca pandaricta chapacuncunami. Paicunaca: «Ima shinapish umashpa, huañuchishpami mishashun. Ñucanchicta ima shina, llaquichishca shinallatacmi llaquichishun» nincunami.

JEREMÍAS 18:18

Jeremías huillashcata uyashpaca: «Jeremiasta ima shina llaquichinata yuyaringapac shamuichic. Mandashcacunata yachachic curapish, cunacpish, alli yachac runapish, Dios ima nishcata huillacpish mana tucuringachu. Pai huillacushcamanta juchanchishpa llaquichishunchic. Pai huillashcataca ama uyashunchic» nirca.

SALMOS 66:3

Sumac Diostaca: «Can ruhuashcacunaca sumaimana mancharinacunami. Tucuita ruhuac cacpimi, canta piñaccunaca manchaihuan cumurincuna.

SALMOS 38:12

Ñucata huañuchishun niccunaca ima shina urmachinatami yuyaricuncuna. Ñucata llaquichinata yuyacuccunaca millaitami parlanacuncuna. Ñucata urmachingapacmi tucui punzha yuyarinacuncuna.

2 SAMUEL 14:2

Chaimantami Joabca Tecoa pueblomanta shuc yachac huarmita pushamuchun cacharca. Chai huarmitaca: «Canca maijan huañushcamanta duelo churanata churarishpa, llaquilla tucushpa, jatun mandacpacman ri. Mishquilla ashnacuc-huanpish mana cahuirishpa, achca huatacunata maijan huañushcamanta duelo churanata churashca shinalla ricurigri.

DANIEL 6:4

Chaimantami prefectocunapish, caishuc mandaccunapish Danielta juchanchingapac pai ima shina mandacucta ricushpalla puricurca. Shina cashpapish, ima pandaita mana tarircachu. Chaica Danielca imatapish allillatami ruhuac carca. Chaimantami ima pandaitapish, ima juchatapish mana tarirca.

SAN LUCAS 20:21

Paicuna Jesustaca: —Yachachic, canca mana ñahuita ricushpalla, yachachicmi cangui. Gentecuna Dios munashca shina causachunmi, mana llullashpa yachachicungui.