SAN LUCAS 2:39 - Dios Rimashcata Quillcashcami

³⁹ Dios mandashcacunata tucui pactachishpaca, Joseca Mariandimi paicuna causana Galilea llacta Nazaret puebloman cutirca.

Nuevo Testamento en Quichua Cañar 1996

³⁹ Taita Dios mandashcacunata pactachishca q'uipaca, Joseca Mariandic paicuna causana Nazaret pueblomanmi cutircacuna. Chai puebloca Galilea llactapimi carca.

SAN LUCAS 2:39 Referans Kwoze

SAN LUCAS 2:4

Joseca Davidpac huahua huahuapura cashcamantami, Galilea llacta Nazaret pueblomanta ñaupa mandac Davidca huacharishca Judea llacta Belén puebloman rirca.

SAN MATEO 3:15

Shina nicpimi Jesusca: —Cunanca bautizailla. Ñucanchicca Dios mandashcatami pactachina canchic— nicpimi, Juanca bautizarca.

DEUTERONOMIO 12:32

Ñuca mandashcallata ruhuanguichic, ama yapachinguichicchu, ama anchuchinguichicchu.

SAN LUCAS 2:51

Jesusca taita mamahuanmi Nazaret puebloman cutimushpa, paicunata alli cazushpa causarca. Paipac mamaca tucui chaicunacata shungupi huacaichishpami causacurca.

SAN LUCAS 1:6

Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

SAN LUCAS 1:26

Elisabet ña sucta quillata huicsayuc cacpimi, Diosca ángel Gabrielta Galilea llacta, Nazaret puebloman cacharca.

SAN LUCAS 4:16

Jesusca pai huiñashca Nazaret pueblomanmi rirca. Chaipimi utcaman ric cashca shinallatac samana punzhapi israelcuna tandanacuna huasiman yaicurca. Chaipimi Dios quillcachishcata rezangapac shayarirca.

SAN LUCAS 4:23

Chashna nicucpimi Jesusca: —Maijancunaca: “Jambic runa, canllatac jambiri. Capernaúm pueblopi tucui ruhuashcacunatami uyarcanchic. Cai, can huiñashca llactapipish chashnallatac ruhuaiyari” nicunguichicmi— nirca.