SAN LUCAS 2:37 - Dios Rimashcata Quillcashcami

³⁷ Paica pusac chunga chuscu huatatami viuda carca. Chai yuyac huarmica Diosta mañana huasimanta mana llucshishpami, punzhanta Diosta servishpa, mañashpa ayunashpa, causac carca.

Nuevo Testamento en Quichua Cañar 1996

³⁷ Shinami, ña pusac chunga chuscu huatata viuda causarca. Chai yuyac huarmica Diosman mañana huasiman rinata mana saquishpami, tutapish, punzhapish Diosta servishpa, ayunashpa, Taita Diosman mañashpa causac carca.

SAN LUCAS 2:37 Referans Kwoze

1 TIMOTEO 5:5

Imata mana charic viudaca Diospi shunguta churashpami, “paica cungallami” nishpa punzhapish, tutapish mañacunlla.

HECHOS 14:23

Tandanacushca criccunapurapica, ayunashpa Diosta mañashpami, pushac yuyaccunata acllashpa saquirca. Chashnami paicuna crishca Apunchic Jesusman mingarca.

SALMOS 23:6

Mandac Dioslla, tucui ñuca causaipimi llaquishpa, cuyashpa charingui. Ñucaca huiñaitami cambac huasipi causasha.

SALMOS 27:4

Ñucaca pai sumac cashcata ricushpa, alli alli yachangapacmi tucui causaipi paipac huasipi charichun Mandac Diostaca mañani. Chaillatami mañani.

HECHOS 13:3

Ayunashpa mañashca quipaca, Bernabepac, Saulopac uma jahuapimi maquita churashpami cacharca.

HECHOS 26:7

Chai cusha nishcatami ñucanchic chunga ishcai Israel aillucunaca tutapish, punzhapish Diosta alli nishpa shuyacuncuna. Jatun mandac Agripalla, chai cusha nishcata crishpa shuyacushcamantami israelcunaca ñucataca juchanchicun.

SALMOS 22:2

Ñuca Dioslla, punzhacuna mañacpica mana uyanguica. Tutacuna mañacpipish mana samachinguica.

APOCALIPSIS 7:15

Chaimantami Diosta mañana huasipi, Dios mandashpa tiyarinapac ñaupapi tutapish, punzhapish paipacta ruhuancuna. Mandashpa tiyarinapi tiyacucmi paipac carpa huasipi paicunataca huacaichinga.

APOCALIPSIS 3:12

Maijanpish millaita mishacmanca, ñuca Diosta mañana huasi ucupi cac pilar shina canatami cusha. Chaimantaca jaicapi mana llucshingachu, shinallatac paipica ñuca Diospac shutitapish, ñuca Diospac pueblopac shutitapish quillcashami. Chaica jahua pacha Diospacmanta shamuc mushuc Jerusalenmi canga. Shinallatac paipica ñucapac mushuc shutitapish quillcashami.

SAN LUCAS 5:33

Chaimantami chai tapuccunaca: —Bautizac Juanpac yachacuccunapish, fariseocunapac yachacuccunapish tauca cutinmi ayunashpa, Diosta mañan. ¿Ima nishpatac cambac yachacuccunaca mana ayunashpa micunlla, ubianlla?— nircacuna.

SALMOS 84:10

Huaranga punzhacunata canzhapi canapac randica, shuc punzhallatapish cambac huasi pungupi canami ashtahuan alli. Juchayuccunapac huasipi causanapac randica, ñuca Diospac huasi pungupi canami ashtahuan alli.

SALMOS 84:4

¡Cambac huasipi causaccunaca mai cushimi canga! Huiñaitami cushicushpa canta alabanga.

1 SAMUEL 2:2

Mandac Dios shina jucha illacca mana tiyanchu. Canmanta ashtahuan shucca mana tiyanchu. Ñucanchic miticuna rumi shina Diosca mana tiyanchu.

ÉXODO 38:8

Shinallatac pailatapish, chaita tiyachinatapish broncemantami ruhuarca. Chaicunataca Mandac Dios-huan tupana huasi pungupi cac servic huarmicunapac espejocunamantami ruhuarca.

SALMOS 92:13

Mandac Diospac huasipi tarpushca shinami, Diospac huasi canzha pambapica sisanga.