SAN LUCAS 2:36 - Dios Rimashcata Quillcashcami

³⁶ Shinallatac Dios ima nishcata huillac, yuyac Ana huarmipish chaipimi carca. Paica ñaupa taita Aserpac aillupuramanta Fanuelpac ushimi carca. Paica huambrarac cazarashpapish canchis huatallatami cusahuan causarca.

Nuevo Testamento en Quichua Cañar 1996

³⁶ Shinallatac Taita Dios ima nishcata huillac, yuyac Ana huarmipish chaipimi carca. Paica ñaupa taita Aserpac aillupuramanta Fanuelpac ushimi carca. Cazarashcamanta canchis huatallapimi, cusaca huañurca.

SAN LUCAS 2:36 Referans Kwoze

HECHOS 21:9

Felipeca chuscu ushi solteracunatami charirca. Paicunaca Dios ima nishcata huillacmi carca.

ÉXODO 15:20

Chaimantami Aaronpac pani, Dios ima nishcata huillac Mariaca panderota japishpa, huactai callarirca. Shina huactacpica, shuctac huarmicunapish cantashpa, danzashpami catirca.

1 CORINTIOS 12:1

Cuyashca criccuna, Diospac Espíritu imacunallata ruhuachic cashcataca yachanami canguichic.

HECHOS 2:18

Chai punzhacunapica ñucata cazuc caricunamanpish, huarmicunamanpish ñuca Espirituta cachashami. Chashna cachacpica, ñucamanta huillangacunami.

SALMOS 92:14

Yuyac cashpapish alli granota pucuc yura shinami canga. Paicunaca verdinlla yuracuna shinami sinchi canga.

JOB 5:26

Cosechanalla trigota sinchirac cacpi tandashca shinami, sinchirac cacpi enterrana jutcuman apashca cangui.

2 REYES 22:14

Shina nicpimi, Hilcías curapish, Ahicam, Acbor, Safán, Asaías runacunapish Dios ima nishcata huillac Huldapacman rishpa parlarcacuna. Paica curacunapac churanata cuidac Salumpac huarmimi carca. Salumca Ticvapac churimi carca. Ticvaca Harhaspac churimi carca. Hulda huarmica Jerusalenllapitacmi quipata ruhuashca uchilla pueblopi causarca.

JUECES 4:4

Chai punzhacunapica Lapidotpac huarmi Deborami israelcunataca mandacurca. Paica Dios ima nishcata huillacmi carca.

GÉNESIS 30:13

Chaimanta Leaca: «¡Caica achca cushicuimi! Cunanca, tucui huarmicunami ñucataca achca cushicuihuanmi cangui ningacuna» nishpami Aserta shutichirca.

APOCALIPSIS 7:6

Aserpac aillupuramanta chunga ishcai huaranga, Neftalipac aillupuramanta chunga ishcai huaranga, Manasespac aillupuramanta chunga ishcai huaranga,

JOSUÉ 19:24

Allpata cungapac pichcaniqui suerteta ruhuacpica, Aser aillumi paicuna mashna cashca shinallatac allpata japirca.

1 SAMUEL 1:2

Elcanaca ishcai huarmitami charirca. Shuc huarmica Ana, caishuc huarmica Peninami carca. Peninaca huahuacunata charircami. Ashtahuanpish, Anaca mana charircachu.

EZEQUIEL 13:17

Huañunalla runa, cambac llacta huarmicunaca quiquin yuyaimantami ñuca shutipi huillancuna. Paicunapacman rishpa, paicuna llaqui tucunata huillai.

SAN LUCAS 2:35

Shinallatac achcacuna yuyacushcapish yacharingami. Llaquica shuc espada shunguta chaupishpa pasac shinami llaquichinga— nirca.

SAN LUCAS 2:38

Chai huarmi, chai horasllatac shamushpami, chai huahuamanta Jerusalén llactata Quishpichicta shuyaccunaman parlai callarirca.

1 CORINTIOS 11:5

Huarmicuna umata mana tapallishpa, Diosta mañashpa, mana cashpaca Diosmanta huillacushpaca cusatami pingaichin. Umata mana tapallishca huarmica, acchata pitishca shinami.

1 TIMOTEO 3:2

Ashtahuanpish tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, alli nishca, huasiman chayaccunatapish alli chasquic, yachachinatapish alli yachachic,

1 TIMOTEO 5:9

Viudacunapac quillcanapica, shuc cusallahuan causashca sucta chunga yalli huatata charic viudacunapac shuticunallata quillcangui.