SAN LUCAS 2:29 - Dios Rimashcata Quillcashcami

²⁹ «Dioslla, can mandashpa nishca shina, canta servic runataca cushicuihuan huañuchun saquilla.

Nuevo Testamento en Quichua Cañar 1996

²⁹ “Taita Dioslla, can cusha nishcataca ñami pactachishcangui. Cambacta ruhuac ñucataca, ña cunanca cushicuihuan huañuchun saquilla.

SAN LUCAS 2:29 Referans Kwoze

APOCALIPSIS 14:13

Cutin jahua pachamanta shuc rimashca uyarishpaca: «Caita quillcai: Caimanta quipaman Apunchic Jesus-huan shuclla tucushpa huañuccunamanca, ¡mai cushicuimi canga! Diospac Espiritupish: Ari, chashnami can. Paicuna ima ruhuacushcamantaca samaringacunami. Paicuna ima ruhuashcapish paicunahuanmi canga» nishcatami uyarcani.

GÉNESIS 15:15

Shina cacpipish, canca sumacta causashpami cushilla yuyacyashpa huañungui. Chashna huañucpimi, cantaca enterranga. Chashnami cambac ñaupa taitacunahuan tandarigringui.

FILIPENSES 1:23

Huañunapish, causanapish allimi. Shina cacpipish shuc yuyaipica, Cristohuan causagringapac huañushca caiman yuyanimi. Chaimi tucuimanta yalli allica.

SAN LUCAS 2:26

Diospac Espiritumi: “Dios cachashca Cristota ricungacaman, canca mana huañunguichu” nishca carca.

SALMOS 37:37

Ima mana allita ruhuac runataca yuyariyari. Cashcata ruhuac runataca ricuiyari. Sumacta cushilla causac runaca quipatami cushicunga.

GÉNESIS 46:30

Shina huacacucpimi, taita Israelca Josetaca: —Can causacushcataca ñuca ñahuihuanmi ricuni, cunanca ña huañunallami cani— nirca.

SAN LUCAS 2:28

Simeón chai huahuata marcashpa, Diosta pagui nishpaca:

APOCALIPSIS 6:10

Chaimanta sinchita caparishpaca: «Tucuita Mandac, jucha illac Dioslla, allpa pachapi causaccunataca, ¿ima punzhacamantac ñucanchicta huañuchishcamantaca taripashpa llaquichigringuiyari?» nircacuna.