SAN LUCAS 2:1 - Dios Rimashcata Quillcashcami

¹ Chai punzhacunapica Roma llactata jatun mandac Augustomi, tucui llactapi causaccuna shuticunata quillcachichun mandarca.

Nuevo Testamento en Quichua Cañar 1996

¹ Chai punzhacunapica Roma*f** llactata jatun mandac Augustomi, tucui pai mandacuc llactacunapi causaccunata paicunapac shuticunata quillcachichun huillachirca.

SAN LUCAS 2:1 Referans Kwoze

SAN LUCAS 3:1

Jatun mandac Tiberioca chunga pichca huatatami Roma llactata mandacurca. Poncio Pilatoca Judea llactata, Herodesca Galilea llactata, paipac huauqui Felipeca Iturea llactatapish, Traconite llactatapishmi mandacurca. Cutin Lisaniasca Abilinia llactatami mandacurca.

SAN MATEO 24:14

Dios mandacucmanta alli huillaica tucui llactacunapimi huillashca canga. Chai quipami cai pachaca tucuringa.

HECHOS 25:21

Chashna tapucpi, paillatac: “Roma llactata jatun mandac Augustopac ñaupapi juchanchingacaman, caillapitacmi casha nini” nirca. Chaimantami jatun mandac Augustopacman apangacaman soldadocuna cuidachun nircani— nirca.

FILIPENSES 4:22

Tucui caipi ñucahuan cac criccunapish cancunataca “allilla cashca cachun” nishpami cachancuna. Ashtahuancarin Roma llactata jatun mandacpac huasipi cac criccunami “allilla cashca cachun” nishpa cachancuna.

ROMANOS 1:8

Puntaca cancuna crishca tucui llactacunapi uyarishcamantami, Jesucristopac shutipi Diosta pagui nini.

HECHOS 11:28

Agabo shuti runa shayarishpa, Diospac Espíritu yuyaita cucpi, tucui llactacunapi ima mana pucucpi yarcai tiyanamanta huillarca. Chaica, jatun mandac Claudio mandacui punzhacunapimi, chashna tucurca.

HECHOS 25:11

Huañuchishca canapac shina, ñuca ima millaita ruhuashca cacpica, huañuchichunlla. Paicuna juchanchicushca mana cierto cacpica, ñucataca pi mana paicunaman cungallachu. Ñucataca Cesarllatac taripachun— nirca.

MARCOS 16:15

Shinallatac paicunataca: —Tucui pachata rishpa, alli huillaita tucui gentecunaman huillagrichic.

MARCOS 14:9

Tucui cai pachapi maipipish alli huillaita huillacushpaca, cai huarmi ruhuashcatapish huillangami. Chashnami paita yuyaringa. Chaica chashnatacmi canga— nirca.

SAN MATEO 22:17

Canca, ¿imatatac ningui? ¿Roma llactata jatun mandac Cesarman impuestota paganachu canga? Mana cashpaca, ¿manachu pagana canga?— nishpa tapurca.

SAN LUCAS 2:3

Tucui gentecunami paicuna huacharishca llactapi quillcaringapac rina carca.

SAN LUCAS 2:5

Chaimanca paihuan cazarangapac ari nishca Mariahuanmi, shutita quillcachingapac rirca. Mariaca huicsa jundami carca.

ESTER 10:1

Jatun mandac Asueroca tucui llactapi causaccunapish, mama cucha ladopi causaccunapish impuestota cuchunmi mandarca.