SAN LUCAS 19:4 - Dios Rimashcata Quillcashcami

⁴ Chaimantami ñaupata callpa rishpa, Jesusta ricungapac sicómoro yuraman huichicurca. Jesusca chaitami rina carca.

Nuevo Testamento en Quichua Cañar 1996

⁴ Chaimanta ñaupashpa callpashpa rishpami, Jesusta ricungapac sicómoro yura jahuaman huichicurca. Jesusca chaitami rina carca.

SAN LUCAS 19:4 Referans Kwoze

ISAÍAS 9:10

«Ladrillohuan shayachishca pircaca urmarcami. Chaitaca rumi ladrillohuanmi shayachishun. Sicómoro yuracunata urmachircami. Chai yuracunapac randica cedro yuratami tarpushun» nincuna.

SAN LUCAS 5:19

Chashna cashpapish, achca gentecuna chai huasipi cashcamantami, Jesuspacmanca mana cuchuyachi pudirca. Chaimantami huasi jahuaman huichicushpa, catata pascashpa, ungushcataca huandumushcandi Jesuspac ñaupaman uricuchirca.

1 CRÓNICAS 27:28

Sefela pambapi tiyac olivos chagracunata, higo chagracunata cuidaccunataca Gedera pueblomanta Baal-hananmi mandacurca. Olivos aceiteta huacaichina ucucunata cuidaccunataca Joasmi mandacurca.

1 REYES 10:27

Jatun mandac Salomonca cullquitaca rumita shinami Jerusalenpica charirca. Cedro caspicunatapish, Sefela pambacunapi tiyac sacha higo yuracunata shinami achcata charirca.

AMÓS 7:14

Shina rimacpimi, Amosca Amasiastaca: —Ñucaca, mana Dios ima nishcata huillacchu cani, mana huillacpac churichu cani. Ashtahuanpish huagrata michishpa, sacha higota pallacmi cani.

SALMOS 78:47

Paicunapac uvas chagracunataca runduhuanmi tucuchirca. Higo chagracunatapish casahuanmi tucuchirca.

2 CRÓNICAS 1:15

Jatun mandacca cullquitapish, curitapish rumita shinami, Jerusalenpica charirca. Cedro caspicunatapish, Sefela pambapi tiyac sacha higo yuracunata shinami, achcata charirca.

2 CRÓNICAS 9:27

Cullquitaca rumita shinami, Jerusalenpica charirca. Cedro caspicunatapish, Sefela pambapi tiyac sacha higo yuracunata shinami achcata charirca.

SAN LUCAS 17:6

Shina nicpimi Apunchic Jesusca: —Mostaza muyu shina ashallatapish crishpaca, cai jatun sicómoro yurata: “Caimanta anchuri, jatun cuchapi shayarigri” nicpica, cazunmanllami— nirca.

SAN LUCAS 19:3

Zaqueo runaca Jesús pi cashcata yachangapacmi ricunata munarca. Shina cashpapish, pai uchilla cashcamanta, tauca gentecuna Jesus-huan ricushcamantami mana ricui pudirca.

SAN LUCAS 19:5

Jesús chaita pasacushpa, yura jahuata huichailla ricushpaca: —Zaqueo, utca uricui. Cunanca cambac huasipimi pozangapac rina cani— nirca.