SAN LUCAS 18:12 - Dios Rimashcata Quillcashcami

¹² Ñucaca semanapi ishcai cutinmi ayunani. Tucui ñuca charishcacunamanta patsacmanta chungata cucmi cani” nishpa mañarca.

Nuevo Testamento en Quichua Cañar 1996

¹² Ñucaca semanapi ishcai cutin ayunacmi cani. Shinallatac ñuca imalla charishcatapish, pasacmanta chungata cucmi cani’ nishpa mañarca.

SAN LUCAS 18:12 Referans Kwoze

SAN LUCAS 11:42

¡Aij, fariseocunalla, cancunaca cashcata ruhuanata, Diosta cuyanata saquishpami, mentata, rudata, ima micuna sachata chungamanta shucta Diosman cunguichic! Chaita ruhuashpapish, cashcata ruhuanata, Diosta cuyanataca mana saquinachu canguichic.

SAN MATEO 9:14

Bautizac Juanpac yachacuccuna shamushpaca: —Ñucanchicpish, fariseocunapish tauca cutinmi ayunanchic. ¿Ima nishpatac cambac yachacuccunaca mana ayunancuna?— nishpa tapurca.

SAN LUCAS 17:10

Chashnallatac cancunapish tucui mandashcacunata ruhuashpaca: “Ñucanchicca imata ruhuana cashcallatami ruhuashcanchic. Mana alli serviccunachu canchic” ninami canguichic» nirca.

1 TIMOTEO 4:8

Cuerpo sinchiyachun pucllanaca, ashacamanca allimi. Ashtahuanpish Dios-huan alli canami tucuimanta yalli allica. Cai causaipacpish, quipa causaipacpish allicunatami apamun.

SAN MATEO 6:1

Ama gentecuna ricucucllapi allita ruhuaichicchu. Chashna ruhuacpica, jahua pacha Diosca, ima allita mana cungachu.

MALAQUÍAS 3:8

¿Runaca, Diospacta shuhuanchu? ¡Cancunaca ñucapac cashcata shuhuashcanguichicmari! Shina shuhuashpapish: “¿Imatatac shuhuarcanchic?” ninguichicmi. ¡Cancunaca chungamanta shucta cunata mana cushpami shuhuanguichic!

EFESIOS 2:9

Pi ama jatun tucuchunmi ima allita ruhuashcamantaca mana quishpichishca canguichic.

GÁLATAS 1:14

Ñaupa taitacuna yachachishcata allita huacaichic cashpami, israelcuna yachachishcata caticushpaca, ñucahuan huiñai israelcunata atishpa ashtahuan alli cazuc carcani.

1 CORINTIOS 1:29

Chaimantami Diospac ñaupapica pipish mana jatun tucunga.

ROMANOS 3:27

Mandashcacunata pactachishcamanta jatun tucuc runaca, ¿imatac jatun? Chaica yangallami. ¿Imatac ruhuashcamanta Diosca chasquin? ¿Mandashcacunata pactachishcamantachu chasquin? Mana, ashtahuanpish crishcallamantami chasquin.

SAN MATEO 6:16

Cancuna ayunashpaca, ama chai mishqui shimi, jayac shungucuna shina ayunanguichicchu. Paicunaca gentecuna ricuchunllami llaquilla ñahui tucushpa ayunan. Paicuna chashna ruhuashpaca, cai pachapacllami alli nishca cancuna. Chaica chashnatacmi can.

SAN MATEO 6:5

Cancuna Diosta mañashpaca, ama chai mishqui shimi jayac shungucuna shina mañaichicchu. Paicunaca gentecuna ricuchunmi, plaza esquinacunapi, tandanacuna huasicunapi shayarishpa mañancuna. Chashna ruhuashpaca, cai pachapacllami alli nishca cancuna. Chaica chashnatacmi can.

ISAÍAS 1:15

¡Cancunapac maquica huañuchishca yahuarllami! Chaimantami cancuna maquita alzashpa mañacpica, ñuca ñahuita pacasha. Yallita mañacucpipish manatac uyashachu.

2 REYES 10:16

Jehuca: —Ñucahuan jacu. Ñucahuan rishpami Mandac Diosta ñuca ima shina yuyacushcata ricungui— nirca. Shina nishpami, Jonadabtaca paipac carretapi huichicuchirca.

1 SAMUEL 15:13

Samuel Saulpacman chayacpimi paica: —¡Cantaca Mandac Dios bendiciachun! Mandac Dios mandashcataca ñami pactachini— nirca.

NÚMEROS 23:4

Chai urcupimi Mandac Diosca Balaamhuan tupangapac shamurca. Chaipimi Balaamca: —Canchis altartami ruhuashcani. Cada altarpimi shuc huagrata, shuc cari ovejata tucui rupachini— nirca.

NÚMEROS 18:24

Paicunamanca israelcuna chungamanta shucta ñucaman alzashpa cushcatami curcani. Chaimantami israelpurapica paicunaca allpata mana japinga» nirca.

SAN MATEO 5:20

Yachachiccunatapish, fariseocunatapish atishpa mandashcacunata mana pactachishpaca, jahua pacha Dios mandacucmanca jaicapi mana yaicunguichicchu.