SAN LUCAS 17:26 - Dios Rimashcata Quillcashcami

²⁶ Ima shinami Noé causai punzhacunapi carca, chashnallatacmi Runa Tucungapac shamushca ñuca cutimuna punzhacunapipish canga.

Nuevo Testamento en Quichua Cañar 1996

²⁶ Ima shinami ñaupa taita Noé causai punzhacunapi tucurca, chashnallatacmi Runa Tucungapac shamushca ñuca cutimuna punzhacunapipish canga.

SAN LUCAS 17:26 Referans Kwoze

2 PEDRO 2:5

Ñaupa punzhacunapi causaccunatapish Diosca mana perdonarcachu, ashtahuanpish yacu juizhuhuanmi millai gentecunataca tucuchirca. Shina cashpapish Dios munashca shina causachun nishpa, huillac Noellatami paihuan cac canchiscunandi quishpichirca.

SAN LUCAS 17:24

Chaica, Runa Tucungapac shamushca ñuca cutimuna punzhaca, relampa jaguin nishpa tucui cai pachata achicyachic shinami canga.

HEBREOS 11:7

Crishcamantami Noepish Dios huillashca manarac pactacpi, Diosta cazushpa, paita manchashpa, paipac aillu quishpirichun huambuc huasita ruhuarca. Pai crishcamantami, cai pacha millai gentecunatapish llaquiman cacharca. Diosca Noetaca crishcamantami chasquirca.

SAN LUCAS 17:22

Jesusca paipac yachacuccunataca: —Runa Tucungapac shamushca ñuca mandacucta ashallapish ricunata munana punzha chayamungami. Chashna munashpapish, mana ricungachu.

2 PEDRO 3:6

Shinallatac ñaupaca yacu juizhullahuantacmi, cai pachapi ima tiyashcatapish tucuchirca.

GÉNESIS 6:5

Cai pacha gentecuna yalli millaillata ruhuashpa causacucta Mandac Diosca ricurcami. Paicunapac shungupica punzhanta millaita ruhuanallatami yuyacurca.

GÉNESIS 6:7

Chaimanmi Mandac Diosca: «Cai pachapi causac ñuca ruhuashcacunataca runamanta callarishpa, sacha animalcunacaman, pambata aisarishpa puric animalcunacaman, jahuata volac animalcunacamanmi tucuchigrini. Paicunataca pandachari ruhuarcani» nirca.

SAN LUCAS 18:8

Ñucaca ninimi: Diosca utcami paicunamanca allita ruhuanga. Ashtahuanpish Runa Tucungapac shamushca ñuca cutimucpica, ¿chashna criccunaca cai pachapica tiyangachu?» nirca.

GÉNESIS 6:8

Shina cacpipish, Noeca Mandac Diospac ñahuipica allimi ricurirca.

ISAÍAS 22:13

Huagracunata, ovejacunata huañuchishpa, micushpa, vinota ubiashpa yallita cushicushpami: «¡Micushunchic, ubiashunchic, cayaca huañushunmi!» ninguichic.

SAN LUCAS 17:7

Shinallatac Jesusca: «¿Maijan cancuna shuc servic yapushpa, mana cashpaca michishpa cutimucpica: “Shamui, micungapac tiyari” ninguichicmanchu?

SAN LUCAS 17:27

Noé jatun barcoman yaicuna punzhacamanca, gentecunaca micushpa, ubiashpa, cazarashpa, cazarachishpami causacurca. Chashna causacucpimi, yacu juizhu shamushpa, tucuita tucuchirca.