SAN LUCAS 17:25 - Dios Rimashcata Quillcashcami

²⁵ Shina cashpapish cunan punzha gentecunapac piñashca, llaquichishca canaracmi cani.

Nuevo Testamento en Quichua Cañar 1996

²⁵ Chashna cutimungapacpish, cunan punzha causaccuna p'iñashcamanta llaquicunata apanaracmi can.

SAN LUCAS 17:25 Referans Kwoze

SAN MATEO 16:21

Chashna nishca quipa Jesús paipac yachacuccunata yachachishpaca: —Jerusalén pueblomanmi rina cani. Chaipimi curacunata mandac curacunapish, pushac yuyaccunapish, mandashcacunata yachachiccunapish llaquichicpi, llaquita apashpa huañunami cani. Shina cashpapish quimsa punzhapica causarishallami— nirca.

SAN LUCAS 9:22

Shinallatac Jesusca: —Runa Tucungapac shamushca ñucaca llaquicunata apanami cani. Curacunata mandac curacunapish, pushac yuyaccunapish, mandashcacunata yachachiccunapish mana ricusha nishpami huañuchinga. Chashna huañuchicpipish, quimsa punzhapica causarishami— nirca.

MARCOS 8:31

Jesusca paipac yachacuccunataca: “Runa Tucungapac shamushca ñucaca, achca llaquita apanami cani. Curacunata mandac curacunapish, pushac yuyaccunapish, mandashcacunata yachachiccunapish ñucata piñashpa huañuchingami. Shina huañuchicpipish, quimsa punzhapica causarishallami” nishpami yachachirca.

SAN JUAN 1:11

Paipac gentecunapacmanmi shamurca. Ashtahuanpish paipac gentecunaca mana chasquircachu.

SAN LUCAS 18:33

Ñucata macashca quipaca huañuchingami. Chashna huañuchicpipish, quimsa punzhapica causarishallami— nirca.

MARCOS 12:10

Dios quillcachishcapi cashna nishcataca, ¿manachu ricushcanguichic? Chaipica: “Huasita ruhuaccuna mana nishca rumillatacmi, callari esquinapi churana rumi tucushca.

SAN MATEO 21:42

Shina nicpimi Jesusca: —¿Manachu cancunaca Dios quillcachishcataca ricushcanguichic? Chaipica: “Huasita ruhuaccuna mana nishca rumillatacmi, huasita ruhuangapac callaripi churana, tucuimanta yalli alli rumi tucushca. Mandac Diosmi chashnaca ruhuashca. Chaita ricushpami, yallita cushicunchic” nicunmi.

ISAÍAS 53:3

Gentecunapac mana ricunayachishca, millashcami carca. Paica yalli nanaihuanpish, llaquihuanpishmi carca. Paita mana ricusha nishpami shuc ladota ricuc carcanchic. Paitaca yangalla cashcata yuyashpami, mana ricunayachircanchic.

SAN JUAN 12:38

Dios ima nishcata huillac Isaías huillashca pactachunmi chashna tucurca. Pai huillashpaca: «Dioslla, ¿pitac huillashcataca crishcayari? Diospac podertaca, ¿pitac ricushcayari?» nishcami.

SAN LUCAS 24:46

Chashna entendichishpaca: —Dios quillcachishcapica chashnami nicun. Shinaca Cristoca huañunami carca. Huañushpapish quimsa punzhapica huañushcacunapuramanta causarinami carca.

SAN LUCAS 18:31

Jesús paipac chunga ishcai yachacuccunata cayashpaca: —Jerusalén puebloman chayacpimi, Runa Tucungapac shamushca ñucamanta Dios ima nishcata huillaccuna quillcashcaca pactanga.

MARCOS 10:33

—Cunanca, Jerusalenmanmi ricunchic. Chaipimi Runa Tucungapac shamushca ñucataca, curacunata mandac curacunamanpish, mandashcacunata yachachiccunamanpish japichinga. Paicunami huañuchingapac juchanchishpa, mana israelcunaman cunga.

MARCOS 9:31

Paipac yachacuccunata yachachishpaca: “Runa Tucungapac shamushca ñucataca runacunaman japichingami. Paicunami ñucataca huañuchinga. Chashna huañuchicpipish, quimsa punzhapica causarishallami” nircami.

1 SAMUEL 10:19

Shina cacpipish, cancunaca tucui llaquicunahuan llaquichishca causacushcamanta llucchic cancunapac Diostami llaquichircanguichic. Chashna cashpami ñucataca: “Ima cachunpish jatun mandacta churaiyari” nishcanguichic. Chashna cashcamanta cunanca tucui aillucunapish huaranga huarangapi tandanacushcacunapish Mandac Diospac ñaupaman shamuichicyari» nirca.

1 SAMUEL 8:7

Mandac Diosca: «Israelcuna imata mañashcataca ruhuailla. Paicunaca mana cantachu mana valichincuna, ashtahuanpish ñucatami yangapi churashpa, paicunata ama ashtahuan ñuca mandachun shuc mandacta charishun nincuna.