SAN LUCAS 16:2 - Dios Rimashcata Quillcashcami

² Chaimanta, amo chai mayordomota cayashpaca: “Canmantaca, mana allicunatami uyani. Cunanca ña mana ñuca mayordomochu cagringui. Chaimanta ñuca charishcacunata imata ruhuashcata huillai” nirca.

Nuevo Testamento en Quichua Cañar 1996

² Chashna yachac chayashpami, amoca chai mayordomota c'ayashpaca: ‘Cantaca, ¿imatachari ruhuacun nictami uyani? Cunanca ñuca charishcacunata imallapi tucuchishcata ricuchi. Ña mana ashtahuan ñuca mayordomo cachun ninichu’ nirca.

SAN LUCAS 16:2 Referans Kwoze

APOCALIPSIS 20:12

Chaipica huañushcacunatami jatuncunatapish, uchillacunatapish mandashpa tiyarinapac ñaupapi shayacucta ricurcani. Shinallatac librocunapish pascashcami carca. Huiñaita causangapac rina libropi quillcashcatapish pascashcatami ricurcani. Chai huañushcacunaca paicuna imata ruhuashca librocunapi quillcashca cashca shinami taripashca carca.

1 PEDRO 4:10

Diosmanta allita ruhuangapac chican chican ruhuac canata chasquishcamanta, allita ruhuaccuna shina, quiquin chasquishcahuan caishuc chaishucman allita ruhuaichic.

1 PEDRO 4:5

Shina cacpipish paicunaca huañushcacunatapish, causaccunatapish taripangapac shuyacuc Diospac ñaupapimi, paicuna ima shina cashcata huillangacuna.

1 TIMOTEO 5:24

Maijancunapac juchaca manapish pi tapucpimi ricurinlla. Cutin maijancunapacca quipatami ricurin.

ECLESIASTÉS 12:14

Chaica Diosmi ñucanchic tucui ima ruhuashcataca ricunga. Imata pacalla ruhuashcatapish alli cachun mana alli cachunpish ricuchingami.

1 TIMOTEO 4:14

Criccunata pushaccuna Dios yuyaita cucpi cambac uma jahuapi maquita churashpa mañacpi, Dios imata ruhuachun cushcata pacta cungaringuiman.

2 CORINTIOS 5:10

Imalla ruhuashcata ñucanchic ricuchingapacca, tucuita taripac Cristopac ñaupapimi tucui mashna ricurigrina canchic. Chaipica cai aicha causaipi allita ruhuashcamanta, mana allita ruhuashcamantami japina cashcata japigrishun.

1 CORINTIOS 4:5

Shina cacpica manarac juchanchina punzha chayamucpi, ama juchanchichicchu. Apunchic Jesús cutimunata shuyaichic. Paimi amsapi pacashcacunatapish, shungu imata yuyashcatapish achicpi shina ricuchinga. Shina ruhuacpimi, Diosca cada quiquin imata ruhuashcata ricushpa alli ninga.

1 CORINTIOS 4:2

Maijanta yachachichun churacpica pactachic cashcatami ricuchina can.

1 CORINTIOS 1:11

Cuyashca criccuna, chaica Cloé aillupuramanta shucmi cancunapura chicanyashcata huillarca.

ROMANOS 14:12

Chaimanta tucui ñucanchicmi imata ruhuashcacunata Diosman ricuchigrina canchic.

SAN LUCAS 12:42

Chashna nicpimi Jesusca: —¿Maijantac alli cazuc, alli yuyaiyuc mayordomoca? Paipac amo: “Ñuca huasita ricungui, serviccunamanpish micuna horas carangui” nishpami saquinman.

SAN LUCAS 12:20

Ashtahuanpish Diosca: “Yuyai illac runa, cunan tutallatacmi huañungui. Cai tucui huacaichishcacunaca, ¿pipactac canga?” nirca.

SAN MATEO 12:36

Ñucaca: Dios taripana punzhapimi shuccunata mana alli rimashcacunaca yacharinga ninimi.

SAN MATEO 20:8

Ña tutayamucucpi, amo mayordomota cayashpaca: “Pallaccunata cayashpa, quipata yaicuccunamanpish, punta yaicuccunacamanpish mashnata pagana cashcata pagai” nirca.

SAN LUCAS 16:1

Jesusca paipac yachacuccunataca: «Shuc chayuc amomi, shuc mayordomota charirca. Paitami amoca, paipac charishcacunata yanga tucuchishcamanta juchanchirca.

SAN LUCAS 16:3

Chaimantami chai mayordomo paipac shungupica: “Cunanca, ¿imatatac ruhuani? Ñuca amoca ña mana mayordomo cachun ninchu. Allpapi trabajanatapish mana pudishachu. Imata mañashpalla causanatapish pinganayangami.