SAN LUCAS 15:16 - Dios Rimashcata Quillcashcami

¹⁶ Paica yalli yarcaihuan cashpami, cuchicuna micunata micusha nishpa yuyacurca. Pipish imata mana cararcachu.

Nuevo Testamento en Quichua Cañar 1996

¹⁶ Paica yarcaihuan huañucushpami, cuchicuna micunata micusha nishpa yuyacurca. Chashna yuyacucpipish, pi mana imata cararcachu.

SAN LUCAS 15:16 Referans Kwoze

OSEAS 12:1

Efraín ailluca huairata micuc shinami causacun. Punzhantami rupac huairata caticun. Asiriocunahuanmi ari nishca. Egiptomanmi aceiteta apancuna. Llullanapish, macanacuipish yallitami mirarin.

LAMENTACIONES 4:5

Sumac micunata micuccunaca callepimi yarcaihuan huañucun. Sumac churanahuan huiñashcacunaca mapapimi siricun.

ISAÍAS 44:20

Uchupata micuc shinami, paipac shungupi pandarin. Paipac causaita mana quishpichinchu. Shinallatac: «Ñuca alli lado maquipica, ¿manachu yanga caspillata charicuni?» nishpapish, mana ninchu.

SALMOS 142:4

Ñuca alli ladota chapai ñucata ayudacca pi mana tiyanchu. Ñucata pacacpish, ñuca causaita cuidacpish pi mana tiyanchu.

ISAÍAS 57:3

¡Cancuna brujacunapac, huainayaccunapac, cullquimanta huainayaccunapac huahua huahuacunalla, ñucapacman cuchuyaichic!

ISAÍAS 55:2

¿Imapactac cullquitaca manapish micunapi tucuchinguichic? ¿Imapactac manapish huicsa pactata micungapac trabajanguichic? Ñuca rimashcata alli uyaichic. Allillata micuichic. Chashna micushpami, cushilla shungu canguichic.

SALMOS 73:22

Ñuca imatapish mana yachac, mana entendic cashpami chashna carcani. Cambac ñaupapica shuc animal shinami carcani.

SAN MATEO 7:6

Dios cushcataca ama allcucunaman cunguichicchu. Achca valishca perlastapish ama cuchicunaman cunguichicchu. Chashna cucpica, yangamanta sarungacunami. Chai allcucunaca cancunataca mana ricunayachishpa llaquichingami.

SAN LUCAS 15:15

Chaimantami chai llactapi causac shuc amopacman rishpa, imalla ruhuanata mañarca. Chai amomi paipac allpapi cuchicunata michichun cacharca.

SAN LUCAS 15:17

Chaimantami paipac shungupica: “¡Ñuca taitapac huasipica, serviccunapish micunata atichicungami! Ñucaca caipi yarcaihuanmi huañucuni.

JOB 30:4

Yuracuna chaupipimi malvacunata tandaccuna carca. Masharingapacca retama sapitami tandaccuna carca.