SAN LUCAS 13:26 - Dios Rimashcata Quillcashcami

²⁶ Chashna nicpimi cancunaca: “Canhuanmi micushpa puric carcanchic. Canllatacmi ñucanchic llactacunapipish yachachicurcangui” nicunguichicmi.

Nuevo Testamento en Quichua Cañar 1996

²⁶ Chashna nicpi cancunaca: ‘Canllahuantac micushpa puric carcanchicca. Canllatacmi ñucanchic llactacunapipish yachachicurcangui’ nicunguichicmi.

SAN LUCAS 13:26 Referans Kwoze

ISAÍAS 58:2

Paicunaca cashcata ruhuashpa causac shina, ñuca mandashcacunata cazushpa causac shinami, punzhanta ñucata mashcashpa, ñucamanta yachanata munan. Paicunaca cashcata ruhuashpa ricuchichunmi mañan. Shinallatac Diospacmanmi cuchuyanata munan.

TITO 1:16

Paicunaca “Diosta ricsinchicmi” nishpapish, imatapish ruhuashpaca Diosta mana ricsic cashcatami ricuchincuna. Paicunaca millana, mana cazuccuna cashpami, ima allitapish mana ruhuai pudincuna.

2 TIMOTEO 3:5

Diosta cuyaccunami canchic nishpapish, paicuna ruhuashcahuan mana allitac ricuchiccunami cangacuna. Chashna gentecunahuanca ama tandaringuichu.

SAN LUCAS 3:8

Grano allita pucucuc shina, Diosman cutirishca cashcataca ricuchichicyari. Ama cancunapac shungupi: “Abrahampac huahua huahuacuna cashcamantaca quishpirishunllami” nishpa yuyacuichicchu. Ñucaca ninmi: Dios cai rumicunatapish Abrahampac huahua huahuacunata ruhuanmanllami.

SAN LUCAS 13:27

Chashna nicpipish huasiyucca: “¿Manachu uyanguichic? ¡Caimanta anchurichic, millaita ruhuaccuna! ¡Cancunataca mana ricsinichu!” ningami.