SAN LUCAS 13:17 - Dios Rimashcata Quillcashcami

¹⁷ Jesús chashna nicpica, paita piñaccunaca pingarcami. Ashtahuanpish chaipi cac gentecunaca Jesús sumacta ruhuacta ricushpaca, yallitami cushicurca.

Nuevo Testamento en Quichua Cañar 1996

¹⁷ Jesús chashna nicpica, tucui paita p'iñaccunacamanmi pingaihuan saquirircacuna. Ashtahuanpish chaipi cac tucui gentecunaca Jesús imatapish allita ruhuacta ricushpaca, munaimi cushicurcacuna.

SAN LUCAS 13:17 Referans Kwoze

1 PEDRO 3:16

Cancuna Apunchic Jesusta crishpa, allita causacushcamanta maijanpish mana allichu nishpa, rimashcamanta pingachunca, mana pi juchanchishca canata yuyashpa, allita ruhuashpa catichic.

SALMOS 132:18

Paita piñaccunamanca churanata churachic shinami pingaichisha. Ashtahuanpish paipac umapica, jagan nicuc coronatami churachisha» nirca.

2 TIMOTEO 3:9

Shina cashpapish tucui gentecuna paicuna juizhu illac cashcata yachashpami, chai runacuna tucushca shina, mana unai huatacaman crichingacuna.

HECHOS 4:21

Pedropish, Juanpish chai runata alliyachishcamantaca tucui gentecunami Diosta “allimari cangui” nircacuna. Chaimantami mana juchanchipac cacpi, cacharircalla.

SAN LUCAS 20:40

Pi imata mana ashtahuan tapurcachu.

SAN LUCAS 19:48

Ashtahuanpish Jesús huillacucta tucui gentecuna alli uyacushcamantami, paicunaca imata mana ruhuai pudirca.

SAN LUCAS 18:43

Jesús chashna nincami, chai runapac ñahuica ña ricurca. Chashna ña ricucpimi, Diosta “sumacmi cangui” nishpami, Jesusta catishpa rirca. Alliyashcata ricuccunapish, tucuimi Diosta “allimari cangui” nircacuna.

SAN LUCAS 14:6

Chashna nicpica, imata mana ni pudircacunachu.

ISAÍAS 45:24

Ñucamantaca: “Cashcata ruhuanapish, tucui poderpish Mandac Dios-huanmi” ningacunami. Mandac Dios ñucapacmanmi shamunga. Ñucata yallita piñaccunaca tucuimi pingaichishca canga.

ISAÍAS 4:2

Chai huatacunapica Mandac Diospac retoñoca sumaimanami huiñanga. Chai llactapi pucushca granoca maijanlla saquirishca israelcunamanca sumac nishcapish, alli nishcapishmi canga.

SALMOS 111:3

Pai ruhuashcacunaca sumaimana achicllami. Shinallatac huiñaita cashcata ruhuacmi.

SALMOS 109:29

Ñucata yanga juchanchiccunaca churanata churaric shina pingaihuan cachun. Shinallatac jahuallata churarishca shina pandarishca cachun.

SALMOS 40:14

Ñucata ima shinapish huañuchishun nishpa puriccunaca pingaichishca, mana valichishca cachun.

ÉXODO 15:11

Mandac Dioslla, ¿pitac can shinaca tiyanyari? Can shina jucha illac Dios shinaca, ¿pitac tiyanyari? Mancharinacunata ruhuashcamanta alli nina Diosca, ¿pitac tiyanyari? Canca sumaimanata ruhuacmi cangui.

ISAÍAS 66:5

Mandac Diosta manchaccuna pai rimashcata uyaichicyari. Paica: «Ñuca shutita mañashcamanta millanayachishpa, llucchishpa cachashca cancunapac huauquicunaca: “¡Cancunapac cushicuita ricungapac, Mandac Diosca sumaimanami nishca cachun!” nincunami. Ashtahuanpish paicunaca pingaichishcami canga.

TITO 2:8

ama pi juchanchichunca rimana cashcallata rimangui. Shina ruhuacpimi maijanpish ñucanchicta piñaccunaca pingashpa, imata mana ni pudingacuna.