SAN LUCAS 12:7 - Dios Rimashcata Quillcashcami

⁷ Chashnallatacmi Diosca cancunapac uma accha mashna cashcatapish yachan. Chaimanta ama manchaichicchu. ¡Cancunacarin, achca zhutacunatapish yalli valicmi canguichic!

Nuevo Testamento en Quichua Cañar 1996

⁷ Paica cancunapac umapi mashna accha tiyashcatapish yachanmi. Chashna cashcamanta gentecunataca mana manchanachu canguichic. ¡Cancunacarin, achca zhutacunatapish yalli valicmi canguichic!

SAN LUCAS 12:7 Referans Kwoze

SAN MATEO 6:26

Volac animalcunata ricushpa yuyarichic. Chaicunaca mana tarpunchu, mana cosechanchu, grano huacaichinatapish mana huacaichinchu. Chashna cacpipish jahua pachapi tiyac cancunapac Diosca caranllami. Cancunacarin, ¡zhutacunatapish yallimari valinguichic!

SAN LUCAS 21:18

Chashna cacpipish cancunapac shuc uma acchallapish mana chingaringachu.

2 SAMUEL 14:11

Shina nicpimi, chai huarmica: —Jatun mandaclla, huañuchishpa yahuarta jichashcamanta huañuchiccuna ñuca huahuata ama llaquichishpa, huañuchichun Diosta mañanguiyari— nirca. Shina nicpimi, jatun mandacca: —¡Mandac Diospac shutipimi nini: Cambac huahuapac shuc acchallapish mana allpapi urmangachu!— nirca.

1 SAMUEL 14:45

Shina nicpi, israelcunaca Saultaca: —¿Jonatanca macanacushpa israelcunata quishpichishca jahuachu huañugrin? ¡Chaitaca Dios ama munachun! ¡Mandac Diospac shutipimi nini: Paipac umamantaca shuc acchallapish mana allpapi urmangachu! Paica Mandac Dios ayudacpimi macanacuita misharca— nirca. Shinami Jonatanta mana huañuchishpa quishpichirca.

HECHOS 27:34

Cancuna sinchi tucungapac micunami canguichic. Cancunamantaca shucllapish mana chingaringuichicchu. Shuc acchallapish mana chingaringachu— nirca.

SALMOS 8:6

Can ruhuashcacunata mandactamari ruhuarcangui. Tucuitami cambac chaqui ucupi churarcangui.

SAN MATEO 12:12

Runaca ovejatapish yalli valinmi. Chaimanta samana punzhapica, imapish allitaca ruhuanallami— nirca.

JOB 35:11

Ñucanchictaca cai pachapi tiyac animalcunata ricuchishpa ashtahuan alli yachacta, jahuata volac animalcunatapish ricuchishpa yalli yuyaita charictami ruhuarca” nicca, shucllapish mana tiyanchu.