SAN LUCAS 12:58 - Dios Rimashcata Quillcashcami

⁵⁸ Maijan canta juezpacman apacucpica, manarac chayashpa, paihuan ima shinapish alli tucunata yuyangui. Mana alli tucucpica, juezpacman chayachishpa, cantaca soldadocunaman cushpa, carcelpi churachingami.

Nuevo Testamento en Quichua Cañar 1996

⁵⁸ Maijan canta imamanta juezpacman apacucpica, manarac chayashpa ñanta ricushparac, paihuanca ima shinapish alli tucunata yuyangui. Chaicaman mana alli tucucpica, juezpacman chayachishpa, cantaca soldadocunaman cushpa, carcelpi churachingami.

SAN LUCAS 12:58 Referans Kwoze

SAN MATEO 18:30

Chashna mañacpipish, chai runaca mana uyarcachu, ashtahuanpish carcelpimi debita cutichingacaman churarca.

ISAÍAS 55:6

¡Mandac Diostaca tarinalla cacpi, mashcaichicyari! ¡Cancunapac ladopi cacpi, cayaichicyari!

2 CORINTIOS 6:2

Dios quillcachishcapica: «Cancunata ayudana punzhapimi uyarcani. Quishpichina punzhapimi quishpichircani» ninmi. ¡Shina cashcamanta cunanmari Diosca ayudasha nicun! ¡Cunanmari Diosca quishpichisha nicun!

SALMOS 50:22

Ñucata cungarishpa causaccuna caita alli yuyarichic. Pacta cancunata tucui tucuchiman. Chashna tucuchicucpica pi mana quishpichingachu.

SALMOS 32:6

Chashna cacpimi, canta cazuccunaca can uyana punzhapi mañangacuna. Jatun yacu jundac shina shamushpapish paicunataca manatac japingachu.

JOB 23:7

Cashcata ruhuac runaca chaipimi paiman parlanga. Ñucaca, ñuca juezpac ñaupamantaca mana juchanchishcachu llucshiman.

JOB 22:21

Cunanca Dios-huan alli tucuiyari. Sumac causaitami charingui. Chaimantaca allicunatami japingui.

APOCALIPSIS 20:7

Huaranga huatacuna pactacpica Satanasca prezumanta cacharishcami canga.

1 PEDRO 3:19

Paica chashna cashpami, huichcashca cac almacunaman huillangapac rirca.

2 PEDRO 1:15

Chaimanta ñuca huañushca quipapish, caicunata cancuna yuyarichunmi, ima shinapish utca huillashpa saquina cani.

SAN JUDAS 1:3

Cuyashca criccuna, ñucapish, cancunapish quishpirishca cashcamantami, cancunamanca yallita quillcanata munarcani. Shina cacpipish cunanca Diospaclla caccunaman paicuna crichun yachachishcata, macanacuc shina sinchita catina cacpimi, caita quillcani.