SAN LUCAS 12:20 - Dios Rimashcata Quillcashcami

²⁰ Ashtahuanpish Diosca: “Yuyai illac runa, cunan tutallatacmi huañungui. Cai tucui huacaichishcacunaca, ¿pipactac canga?” nirca.

Nuevo Testamento en Quichua Cañar 1996

²⁰ Ashtahuanpish Taita Dios paitaca: ‘Yuyai illac runa, cunan tutallatacmi huañungui. Cai tucui huacaichishcacunaca, ¿pipacshi canga?’ nirca.

SAN LUCAS 12:20 Referans Kwoze

JEREMÍAS 17:11

Cashcata mana ruhuashpa yallita chayucyac runaca sacha huallpa manapish paipac rurucunata ucllac shinami. Paica huambrarac cashpami charishcacunata saquishpa huañunga. Pai ruhuashcaca quipamanca yuyai illac runa ruhuashca shinami canga.

JOB 27:8

Chaica, ¿millaita ruhuac runa mashnata shuhuashca cacpipish Dios paipac causaita quichucpica, ima shuyanata charingachu?

1 TIMOTEO 6:7

Cai pachapi huacharishpaca, imata mana apamushcanchicchu. Shinallatac huañushpapish, imata mana apashunchu.

SALMOS 39:6

Runaca shuc llandu shinallami. Yangami imatapish charinata munan. Pai charishcacunata pi japina cashcatacami mana yachanchu.

SANTIAGO 4:14

Caya punzha ima tucuna cashcataca, mana yachanguichicchu. Cancunapac causaica puyu ashata ricurishpa, tigrai chingaric shinallami.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

SAN LUCAS 11:40

Yuyai illaccuna, ¿manachu Diosca ucutapish, jahuatapish ruhuarca?

SALMOS 73:19

¡Cungaillami llaquica japinga! Yallita mancharishpami tucuringacuna.

NAHÚM 1:10

Quichqui casha yuracuna shina cashpapish, machashca shina cashpapish chaquishca ucsha shinami tucuringuichic.

PROVERBIOS 28:8

Cullquita mañachishpa interesta yallita japic runaca huaccha runata llaquic runamanmi huacaichicun.

PROVERBIOS 11:4

Dios piñarishpa llaquichi punzhapica ima charishcaca mana quishpichingachu. Ashtahuanpish cashcata ruhuashcami huañuimanta quishpichinga.

SALMOS 78:30

Chashna cashpapish paicuna micushpa caticucpi, micunapish shimipirac cacpimi,

ESTER 5:11

Chashna cayachun cachashpami Amanca achcata charic cashcatapish, achca churicunata charishcatapish paicunaman parlarca. Shinallatac paita tucui serviccunamanta tucui mandaccunamanta ashtahuan alli nishca cachun churashcatapish parlarca.

SALMOS 49:10

Yachaccunapish huañunllatacmi. Rumi shungu runapish, mana entendic runapish chingarinllami. Paicuna charishcacunaca shuccunapacmi saquirin.

PROVERBIOS 10:2

Shuhuashpa charishcacunaca imapacpish mana valinchu. Ashtahuanpish cashcata ruhuashcaca huañuimanta quishpichinmi.

PROVERBIOS 13:7

Maijanpish chayucyasha nishpapish imata mana charinchu. Shinallatac maijanpish huaccha casha nishpaca achca charicmi tucuncuna.

PROVERBIOS 27:1

Caya ima ruhuana cashcata ama nichu. Caya punzha ima tucuna cashcataca mana yachanguichu.

ISAÍAS 56:12

Paicunaca: “¡Shamuichic, vinota, machana yacuta ubiashpa machashunchic! ¡Cayapish cunan punzha shinallatac, mana cashpaca ashtahuan allimi canga!” ninmi» nirca.

AMÓS 6:13

Cancunaca yangami cushicushpa: «Lodebar llactataca ñucanchic alli yachac cashcamantami mandacunchic» ninguichic.

1 TIMOTEO 6:17

Cai pachapi achcata chariccunataca: “Ama jatun tucushpa, chingarinalla charishcapi ama shunguta churangui” nishpa rimangui. Chaipac randica, ñucanchicman imallatapish atic aticta cushpa cushichic Diospi shunguta churachun ningui.