SAN LUCAS 11:44 - Dios Rimashcata Quillcashcami

⁴⁴ ¡Aij, mandashcacunata yachachiccunalla, fariseocunalla, cancunaca mishqui shimi, jayac shungucunami canguichic! Cancunaca huañushcacunata enterrashca jutcu shinami canguichic. Chai enterrashca jahuata puriccunaca, ucupi ima tiyashcataca mana yachanchu— nirca.

Nuevo Testamento en Quichua Cañar 1996

⁴⁴ ¡Aij, mandashcacunata yachachiccunalla, fariseocunalla, imachari tucunguichic! Cancunaca mishqui shimi, jayac shungucunami canguichic. Shinallatac huañushcacunata enterrashca jutcu shinami canguichic. Chai enterrashca jahuata puriccunaca, ucupi ima tiyashcata mana yachashpa purincunallami— nirca.

SAN LUCAS 11:44 Referans Kwoze

HECHOS 23:3

Shina nicpimi Pabloca: —¡Mishqui shimi, jayac shungu, cantaca Diosmi llaquichinga! Canca Moisés mandashcacunapi nishca shina, allita ruhuangapacmi cangui. ¿Chashna cashpachu mandashcata mana pactachishpa, ñucata huactachun ningui?— nirca.

SALMOS 5:9

Paicunaca llullallatami rimancuna. Paicunapac shunguca millai jundami. Paicunapac cungurica enterrana jutcuta pascashca shinami.

OSEAS 9:8

Diosca Efraín ailluta chapachunmi, pai ima nishcata huillacta churashca. Shina cacpipish, cancunaca paita urmachingapacmi tucllata churanguichic. Diospac huasipica mana ricusha ninguichicchu.

NÚMEROS 19:16

Espadahuan huañuchishca mai pambapi siricucpi, mana cashpaca ungüihuan huañushcapi, mana cashpaca huañushcapac tullupi, mana cashpaca huañushcata enterrashcapi tuparishpaca, canchis punzhacamanmi mapa canga.

SAN MATEO 13:32

Mostaza muyuca tucui muyumanta yalli ñutumi. Cutin huiñashpaca, tucui yuracunamanta yallimi tucun. Chai yurapimi, zhutacunapish cuzhancuna» nirca.

EZEQUIEL 39:15

Chai mashcaccuna maijan tulluta tarishpaca, huañushcata Gogpac soldadocunapac pambapi enterrangacamanmi chai ladopi shuc señalta churanga.