SAN LUCAS 11:24 - Dios Rimashcata Quillcashcami

²⁴ Runamanta supai llucshishpaca, shitashca pambacunapimi samarinata mashcashpa purin. Samarinata maipi mana tarishpaca: “Ñuca maipimi punta causacurcani, chaillamantac cutishalla” nishpami yuyarin.

Nuevo Testamento en Quichua Cañar 1996

²⁴ Shuc runamanta supai llucshishpaca, shitashca mai pambacunapimi samarinata mashcashpa purin. Samarinata maipi mana tarishpaca: ‘Ñuca maipimi punta causacurcani, chaillamantac cutishalla’ nishpami yuyarin.

SAN LUCAS 11:24 Referans Kwoze

1 PEDRO 5:8

Cancunata mana ricunayachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

SALMOS 63:1

¡Dioslla, ñuca Diosmi cangui! Manarac achicyacpimi cantaca mashcarcani. Ñuca almaca yacunayaihuan shinami canta mashcan. Ñuca cuerpopish can yuyaillami. Yacunayachicuc chaquishca allpa shinami cani.

JOB 2:2

Chaipimi Mandac Diosca Satanastaca: —¿Maimantatac shamungui?— nirca. Shina nicpi, Satanasca Mandac Diostaca: —Cai pachata ricushpa, muyushpami shamuni— nirca.

JOB 1:7

Chaipimi Mandac Diosca Satanastaca: —¿Maimantatac shamungui?— nirca. Shina nicpi, Satanasca Mandac Diostaca: —Cai pachata ricushpa muyushpami shamuni— nirca.

MARCOS 5:10

Supaicunaca ama caruman cachachunmi mañarca.

ISAÍAS 48:22

Mandac Diosca: «Millaicunamanca mana cushi causaica tiyanchu» ninmi.

EFESIOS 2:2

Cai pacha mana alli causaita catishpami, huairapi puric mandac millai espíritu munashcata ruhuashpa causacurcanguichic. Chai espiritumi Diosta mana cazuccunataca mana allita ruhuachishpa mandacun.

MARCOS 9:25

Achca gentecuna tandarimucta ricushpami, Jesusca chai supaitaca: —¡Mana uyacta, upata ruhuac supai, ñucami cai huambramanta llucshi nini! ¡Ama cutin paipi yaicunguichu!— nishpa, sinchita rimarca.

ISAÍAS 44:3

Ñucami chaquishca pambapi tamyachishpa, jatun yacucunata ruhuasha. Cancunapac huahua huahuacunaman ñuca Espirituta cachashami. Paicunapac huahuacunata bendiciashami.

ISAÍAS 35:7

Chaquishca rupacuc tiyupish yacu cuchami tucunga. Chaquishca allpacunataca yacumi callpacunga. Chacal animalcuna causanapica carrizocuna, totoracunami huiñanga.

PROVERBIOS 4:16

Paicunaca ima millaita mana ruhuashpaca, mana sueñuncunachu. Pitapish mana pandachishpaca, sueñuitapish mana charincunachu.

SAN LUCAS 11:25

Ña cutimushpaca, pichashpa sumacta allichishcatami tarin.