SAN LUCAS 11:2 - Dios Rimashcata Quillcashcami

² Chashna nicpimi Jesusca: —Cancuna Diosta mañashpaca: “Jahua pacha ñucanchic Taitalla, cambac sumaimana shutitaca tucuilla alli nishca cachun. Can mandana punzha shamuchun. Ima shinami jahua pachapi can munashca ruhuaricun, shinallatac cai pachapipish ruhuarichun.

Nuevo Testamento en Quichua Cañar 1996

² Chashna nicpi, Jesusca cashna nirca: —Cancuna Taita Diosman mañashpaca, cashna ninguichic: ‘Jahua pachapi cac ñucanchic Taitalla, cambac sumaimana shutitaca tucuilla alli nishca cachun. Can mandana punzha shamuchun. Ima shinami jahua pachapi can munashca ruhuaricun, shinallatac cai pachapipish can munashca ruhuarichun.

SAN LUCAS 11:2 Referans Kwoze

ECLESIASTÉS 5:2

Diospac ñaupapica manarac alli yuyarishpa ama rimaichu. Manarac alli yuyarishpaca ama imatapish ruhuashami nichu. Diosca jahua pachapimi, canca allpapimi cangui. Shina cashcamanta can imata ruhuaipacllata ari ningui.

2 CRÓNICAS 20:6

Shina shayarishpaca: «Ñucanchic taitacunata Mandac Dioslla, canca, jahua pachapi causac Mandac Diosmi cangui. Tucui llactacunapi mandaccunatapish canmi mandacungui. Fuerzatapish, tucui ima ruhuanatapish, cambac maquipimi charicungui. Canhuanca pi mana chimbapurai pudinchu.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

SALMOS 11:4

Mandac Diosca paipaclla huasipimi tiyacun. Mandac Diosca jahua pachapimi jatun tiyarinataca charin. Huañuclla aichayuc runa ima shina cashcataca tucuita ricucun.

APOCALIPSIS 20:4

Chai quipaca mandashpa tiyarinacunapi taripanata chasquiccuna tiyacuctami ricurcani. Shinallatac Diosmantapish, Jesucristomantapish huillashpa mana cungarishpa catishcamanta, cungata pitishpa huañuchishca almacunatapish ricurcanimi. Paicunaca chai manchana animaltapish, paiman ricchata ruhuashcatapish mana alli nircacunachu. Shinallatac chai manchana animalpac shutita frentepi cashpa, maquipi cashpa churachunca, paicunaca mana saquircacunachu. Paicunaca cutin causarishpami, huaranga huatata Cristohuan mandarcacuna.

1 TESALONICENSES 1:3

Cancuna tucui shunguhuan crishpa, Diosta cuyashpa, paipacta ruhuacushcamanta, llaquita apacushpapish mana manchashpa, Apunchic Jesús cutimunata shuyacushcamantami ñucanchic Diosta mañacushpaca, pagui nicunchiclla.

FILIPENSES 4:20

¡Ñucanchic Diosca huiñai huiñaita tucuipac alli nishca cachun! Chashna cachun.

FILIPENSES 1:2

Ñucanchicta cuyac Diospish, Apunchic Jesucristopish tucui cancunata mai cuyashpa, sumac causaita cushca cachun ninchicmi.

EFESIOS 1:2

ñucanchic Diospish, Apunchic Jesucristopish cancunataca mai cuyashpa, sumac causaita cushca cachun nini.

2 CORINTIOS 1:2

Ñucanchic Diospish, Apunchic Jesucristopish cancunata mai cuyashpa, sumac causaita cushca cachun ninchicmi.

1 CORINTIOS 1:3

Ñucanchic Diospish Apunchic Jesucristopish cancunata cuyashpa, sumac causaita cushca cachun.

ISAÍAS 63:16

Abraham ñucanchicta mana yuyaricpipish, taita Israel ñucanchicta cungaricpipish canmi ñucanchic taita cangui. Mandac Dioslla, huiñaita ñucanchicta quishpichicmi cangui.

SALMOS 57:11

¡Dioslla, cantaca jahua pachapi jatunyachishca cachun! ¡Can sumaimana cashcataca tucui cai pachapi ricsishca cachun!

APOCALIPSIS 19:6

Chai quipaca achca gentecuna yacu huaj nicuc shina, relampa tulun nic shina rimacuctami uyarcani. Paicunaca: «¡Ñucanchicta Mandac, tucui imatapish ruhuac Diosca mandai callarishcami! ¡Chaimanta paitaca tucuilla alli nishca cachun!

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

1 TESALONICENSES 1:1

Cai quillcataca ñuca Pablomi Silvanohuan, Timoteohuan Tesalónica pueblo tandanacushca criccunaman cachanchic. Cancunaca Dios-huanpish, Apunchic Jesucristohuanpish shuc shinallami canguichic. Dios mai cuyashpa, sumac causaita cushca cachun ninchicmi.

2 TESALONICENSES 2:16

Ñucanchicta cuyac Diosllatac, shinallatac pai cuyashcallamanta huiñai huiñaita cushi canatapish, cushicushpa shuyanatapish cuc ñucanchic Apunchic Jesucristollatac

COLOSENSES 1:2

Colosaspi causac Diospaclla cac criccunaman quillcani. Ñucanchic Diospish, Apunchic Jesucristopish yallita cuyashpa, cushi causaita cushca cachun ninchicmi.

ROMANOS 8:15

Cancunaca mana cutinllatac manchaita cuc, huatashca shinata charic espiritutachu chasquircanguichic, ashtahuanpish Diospac huahuata ruhuac Espiritutami chasquircanguichic. Chai Espiritumantami: «Ñuca Taitalla» nishpa mañanchic.

SAN MATEO 10:32

Maijanpish gentecunaman ñucata caticushcata huillacpica, ñucapish jahua pacha ñuca Taitaman ‘caticmi’ nishpa huillashami.

SAN MATEO 5:16

Cancunapish, cai pachapi causaccunapac ñaupapica, allita ruhuashpa causaichic. Chashnami luz shina canguichic. Cancuna chashna cacpimi, jahua pachapi tiyac cancunapac Diostaca ‘allimari cangui’ ningacuna.

SAN MATEO 3:2

huillashpaca: «Diosca ñami mandagrin. Chaimanta juchata ruhuanata saquishpa, Diosman cutirichic» nirca.

HABACUC 2:14

Mama cucha yacuhuan junda cac shinami, cai pachapi causaccunaca Mandac Diospac poderta ricsina yuyaihuan canga.

OSEAS 14:2

Mandac Diospacman cutirishpa paita: «Ñucanchic tucui mana allita ruhuashcata anchuchiyari. Ñucanchic alli nishcata chasquiyari. Chashna chasquicpica, canman ofrendata cuc shinami, ñucanchic shimihuan alli nishun.

DANIEL 7:27

Chaipimi cai pacha mandanatapish, jahua pacha ucupi tiyac sinchi mandanacunatapish jahua pacha Diospaclla caccunaman cunga. Paicunaca huiñaitami mandanga. Tucui jatun mandaccunami paicunata cazushpa servinga” nirca.

DANIEL 7:18

Shina shamucpipish, chai mandanataca jahua pachapi causac Diospaclla caccuna japishpami, huiñai huiñaita mandanga” nirca.

DANIEL 2:44

Chai jatun mandaccuna mandacui punzhacunami jahua pacha Diosca jaicapi mana tucuchipac llactata mandachun churanga. Chai llactata mandactaca mana shuctac runacunaman cungachu. Chai jatun mandacmi shuctac jatun mandaccunata ñutuchishpa tucuchinga. Shinami paica huiñaita mandacungalla.

DANIEL 2:28

Shina cacpipish, jahua pachapimi, pipish mana yachashcata huillac Dios tiyan. Paimi jatun mandac Nabucodonosorman shamuc punzhacunapi ima tucunata ricuchishca. Can muscushca, can sueñushpa ricushcaca,

EZEQUIEL 36:23

Shuctac llactapi yangapi churashca ñuca shutitami jatunyachisha. Cancunapac chaupipi ñuca jucha illac shutita jatunyachicpimi, ñucataca Mandac Dios cashcata yachangacuna. Chaitaca Mandac Dios ñucami nini.

SALMOS 108:5

¡Dioslla, jahua pachapipish jatunyachishca cachun! ¡Can sumaimana cashcata tucui cai pachapi ricsishca cachun!

SALMOS 103:20

¡Imatapish ruhuac angelcuna Mandac Diosta alli nichicyari! Cancunaca pai imata nishcata cazuccunami canguichic.

2 REYES 19:19

Cunanca Mandac Dioslla, cai pacha llactacunata jatun mandaccuna canlla Dios cashcata yachachun ñucanchicta chai jatun mandaccunapac maquimanta quishpichiyari» nishpami mañarca.

1 REYES 8:43

Chashna mañacpica, can causacuc jahua pachapi uyanguiyari. Shina uyashpami shuc llactamanta cacpipish, paicuna imata mañashca shinallatac ruhuangui. Chashna ruhuacpimi, tucui cai pachapi causaccunaca cambac shutita ricsishpa, can acllashca israelcuna shinallatac canta manchashpa causanga. Shinallatac ñuca shayachishca cai huasipipish, cambac shutita jatunyachishpami mañangacuna.

LEVÍTICO 22:23

Quiquin munaimanta cushpaca, mana alli huagrata, mana cashpaca cari ovejata cui pudinguichicmi. Shina cacpipish, cushami nishcamanta chashna animaltaca mana cui pudinguichicchu. Chaitaca mana chasquishachu.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

GÁLATAS 1:4

Jesucristoca ñucanchic juchacunamanta huañushpami, cai millai pachamanta quishpichishpa, ñucanchic Dios munashcata pactachirca.

ROMANOS 1:7

Roma llacta criccuna, cancunataca Diosmi cuyashpa, paipaclla cachun acllarca. Ñucanchic Diospish, Apunchic Jesucristopish yallita cuyachun, cushi causaita cachun ninimi.

SAN LUCAS 11:1

Shuc cutinmi Jesusca Diosta mañacurca. Mañashca quipa shuc yachacucca: —Apunchic Jesús, Juan paipac yachacuccunata yachachishca shina, ñucanchictapish Diosta mañanata yachachi— nirca.