SAN LUCAS 10:4 - Dios Rimashcata Quillcashcami

⁴ Cancunaca cucayutapish, cullquitapish, ushutallatapish ama apaichicchu. Ama ñanpi pihuan saludashpa unaiyanguichicchu.

Nuevo Testamento en Quichua Cañar 1996

⁴ Cancunaca cucayu muchilatapish, cullquitapish, shinallatac ushutallatapish ama apashpa ringuichicchu. Ñanpi pihuan tupashpa: ‘¿Allillachu cangui?’ ninacushpapish, ama unaiyanguichicchu.

SAN LUCAS 10:4 Referans Kwoze

SAN LUCAS 22:35

Jesús paicunata tapushpaca: —Ñuca cancunata mana cucayuhuan, mana cullquihuan, mana ushutahuan cachacpica, ¿ima faltarcachu?— nirca. Shina nicpimi yachacuccunaca: —Mana ima faltarcachu— nircacuna.

2 REYES 4:29

Shina nicpi, Eliseoca paita servic Giezitaca: —Chumbillishpa ñuca taunata apashpa ri. Maijan tupacpipish, ama allillachu cangui ninguichu. Canta allillachu cangui nicpipish, upalla ringuilla. Ña huasiman chayashpaca, huahuapac ñahui jahuapi ñuca taunata churangui— nirca.

PROVERBIOS 4:25

Mai ñanta ricushcata cambac ñahuihuan alli ricungui. Cambac ñahuihuanca ñaupata alli chapangui.

2 REYES 4:24

Chai quipaca burrota parejachishpami chai servictaca: —Cunanca burrota aisashpa utca pushailla. Ama ñanpi shayaringuichu, ñuca shayari nicllapi, shayaringui— nirca.

1 SAMUEL 21:8

Davidca Ahimelec curataca: —¿Manachu caipi lanzata, mana cashpaca espadata charingui? Jatun mandac utca ri nicpimi, ñuca maquipica espadatapish, shuctac macanacunatapish mana apamurcani— nirca.

GÉNESIS 24:56

Shina nicpimi, chai servicca: —Mandac Diosmi tucuipi allita caiman pushamushca. Chaimanta ama jarcaichicchu, ashtahuanpish ñuca amopacman cutichun saquichiclla— nirca.

GÉNESIS 24:33

Shinallatac micunatapish curcami. Shina cucpimi, Abrahamta servicca: —Ñuca imapac shamushcata manarac huillashpaca, mana micushachu— nirca. Shina nicpimi paica: —Imapac shamushcataca huillailla— nirca.

MARCOS 6:7

Jesusca paipac chunga ishcai yachacuccunata cayashpa, supaicunata llucchichun poderta cushpami, ishcai ishcaita cacharca.