SAN LUCAS 10:39 - Dios Rimashcata Quillcashcami

³⁹ Martaca María shuti ñañatami charirca. Mariaca Jesuspac ñaupapimi yachachishcata uyashpa tiyacurca.

Nuevo Testamento en Quichua Cañar 1996

³⁹ Martaca María shuti ñañantami charirca. Mariaca Jesuspac ñaupapimi imalla yachachishcata uyangapac tiyarirca.

SAN LUCAS 10:39 Referans Kwoze

SAN LUCAS 8:35

Achca gentecunami ima tucushcata ricungapac Jesuspacman rirca. Paicuna chayashpaca, supaicunata llucchishca runa, alliyashpa yuyaipi Jesuspac ñaupapi tiyacuctami ricurca. Chaita ricushpaca, yallitami mancharirca.

PROVERBIOS 8:34

Ñuca yachachishcata uyangapac, ñuca huasi pungupi punzhanta shuyacuc runaca yallita cushicuchun. Paica ñuca huasi pungu pilar ladopimi shuyacun.

SAN JUAN 12:3

Chaipimi Mariaca achca valishca chaupi litro nardo nishca mishquilla ashnacucta apamushpa, Jesuspac chaquita cahuirca. Chaimantaca acchahuanmi chaquichirca. Chashna cahuicpica, tucui huasi ucumi mishquilla ashnacuc saquirirca.

HECHOS 22:3

«Ñucaca Cilicia llacta Tarso pueblopi huacharishca, Israel runami cani. Shina cashpapish, cai Jerusalén pueblopimi huiñarcani. Ñucataca Gamalielmi allita yachachirca. Ñaupa taitacunaman mandashcacunata tucuita pactachicmi cani. Ima shinami cunan punzhacunapi cancuna tucui shunguhuan Diosta servicunguichic, chashnatacmi ñucapish servini.

SAN LUCAS 2:46

Ña quimsa punzhapimi, Diosta mañana huasipi mandashcacunata yachachiccunahuan, paicunata uyashpa, tapushpa tiyacucta tarircacuna.

DEUTERONOMIO 33:3

Pai acllashcacunataca cuyacunmi. Paipaclla cachun chicanyachishcacunataca cuidacunmi. Paicunaca can munashca shinami mandashcacunatapish cazurca.

SAN JUAN 11:1

Betania pueblomanta Lázaro runami ungushca carca. Paica, paipac panicuna Mariahuan, Martahuanmi chai pueblopi causarca.

2 REYES 4:38

Eliseoca achca yarcai punzhacunami Gilgal puebloman cutimurca. Dios ima nishcata huillaccunapac churicunapish chaipimi paihuan carca. Chaimantami Eliseoca paita servic runataca: «Dios ima nishcata huillaccunaman carangapac jatun mangapi yanui» nirca.

SAN LUCAS 10:42

Tucuimanta yallica, shucllatami ruhuana cangui. Mariaca allitami yuyarishca. Pai chashna uyasha nictaca, pi mana jarcangachu— nirca.

SAN JUAN 11:19

Martapac, Mariapac turi huañushcamantaca, tauca israelcunami llaquinacungapac shamushca carcacuna.