SAN LUCAS 1:78 - Dios Rimashcata Quillcashcami

⁷⁸ Ñucanchic Diosca, pai cuyashcamantami, tutamanta inti achicyamucuc shina, quishpirinata jahua pachamanta cachanga.

Nuevo Testamento en Quichua Cañar 1996

⁷⁸ Ñucanchic Taita Diosca c'uyashpa llaquishcamantami, tutamanta inti achicyamucuc shina, quishpirinata jahua pachamanta cachanga.

SAN LUCAS 1:78 Referans Kwoze

2 PEDRO 1:19

Chaita urcupi ricushcaca, Diosmanta ñaupa huillaccuna huillashca chashnatac cashcatami ricuchin. Chai huillaica tuta punzhayangacaman amsata achicyachic lámpara shina, shinallatac tutamanta achicyachic lucero llucshic shinami, cancunapac shungutaca achicyachicun. Chai huillaita cancuna alli uyashpaca, allimi ruhuanguichic.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

COLOSENSES 3:12

Diosca cancunata cuyashpami, paipaclla cachun acllarca. Chaimantami mushuc churanata churaric shina, shungumanta llaquishpa, cuyashpa, mana jatun tucushpa, mana piñarishpa, shinallatac cuyac shunguhuan causana canguichic.

FILIPENSES 2:1

Cristo cancunata cushichicucpi, paipac cuyai cancunata sinchiyachicucpi Diospac Espiritupish cancunahuan cacpi, llaquinacushpa caishuc chaishuc cuyanacui tiyacpica,

EFESIOS 5:14

Chashna achic luzman llucchicpica, imapish luzpimi canga. Chaimantami: «Sueñushcamanta ricchari, huañushcacunapuramanta jatari. Cristomi cantaca achicyachinga» nincuna.

NÚMEROS 24:17

Ñucaca paita cunan mana ricushpapish, quipaman ricushami. Ricushpapish mana cuchumanta ricushachu. Jacobopac churicunamantaca shuc luceromi llucshinga. Paicunamantaca jatun mandac varayucmi llucshinga. Paimi Moabpi causaccunata ringripi huactashpa, cutin Setpac churicunataca umapi llapishpa tucuchinga.

APOCALIPSIS 22:16

Shinallatac Jesusca: —Ñucaca Jesusmi cani. Ñucami tucui tandanacushca criccunaman huillachun ñuca angelta cacharcani. Ñucami yura retoñac shina, Davidpac aillupuramanta shamushcaca cani. Ñucaca tutamanta llucshic jagan nicuc lucero shinami cani— nirca.

1 JUAN 3:17

Shina cashpapish cai pachapi imallata charishpapish, shuc huauqui ima illaclla cashcata ricushpa mana llaquicca, ¿ima shinatac Diospac cuyaitaca paipac shungupica charingayari?

ZACARÍAS 6:12

Chashna churachishpaca, tucuita Mandac Dios ñucaca: “¡Retoño shuti runaca ñallami shamunga! ¡Paica, paipac sapillamantatac huiñashpami, Mandac Dios ñuca huasitaca shayachinga!

ZACARÍAS 3:8

Curacunata mandac Josuella, canpish, cambac ñaupapi tiyacuc cambac ricsishcacunapish alli uyaichic. Retoñashca ñucata servic shamunata ricuchiccunami canguichic.

ISAÍAS 11:1

Isaimantaca shuc yura retoñac shinami, shuc jatun mandac llucshinga.

FILIPENSES 1:8

Jesucristo cuyac shinallatac, ñuca tucui shunguhuan cancunata cuyacushcataca Diosllatacmi yachan.

SAN JUAN 3:16

Diosca cai pachapi causaccunata yallita cuyashpami, paipac shuclla Churita cai pachaman cacharca. Pipish paita cricca ama chingarichun, ashtahuanpish huiñai causaita charichunmi, chashnaca cacharca.

ISAÍAS 63:15

Jahua pachamanta ñucanchicta ricuiyari. Can causana, cambaclla sumaimana huasimanta chapaiyari. ¿Maipitac cambac jatun cuyaica? ¿Maipitac cambac poderca? ¿Maipitac ñucanchicta tucui shunguhuan llaquichicca? ¿Manachu llaquingui?

ISAÍAS 63:7

Mandac Dios yallita llaquic cashcata yuyarishami. Shinallatac Mandac Dios ñucanchicman mai sumaccunata ruhuashcamanta alli nina cashcatapish yuyarinimi. Mandac Diosca yallita llaquic cashcamanta, pai yallita cuyac cashcamantami israelcunamanca cai tucui allicunata ruhuashca.

SALMOS 25:6

Mandac Dios ñucata yuyariyari, canca huiñaita llaquic Diosmari cangui.

ISAÍAS 42:16

Ñahui mana ricuccunataca paicuna mana ricsishca ñantami pushasha. Paicuna mana ricsishca chaqui ñantami allita pushasha. Paicunapac ñaupapica pura tutataca achictami ruhuasha. Mana puripac ñancunata sumac pamballata ruhuashpami, paicunataca mana saquisha.