SAN LUCAS 1:7 - Dios Rimashcata Quillcashcami

⁷ Elisabetca mana huahuata chari pudircachu. Chaimantami huahua illaclla carcacuna. Ña yuyaccunapishmi carca.

Nuevo Testamento en Quichua Cañar 1996

⁷ Elisabetca huahuata charisha nishpapish, manatac charircachu. Chaimantami huahua illaclla carcacuna. Ña yuyaccunapishmi carcacuna.

SAN LUCAS 1:7 Referans Kwoze

HEBREOS 11:11

Crishcamantami Abrahamca paipac huarmi Sara mana huahuata chari pudic, yuyac cacpipish, huahuata charirca. Dios imatapish pactachic cashcata crishcamantami, Abrahamman shuc cari huahuata Diosca curca.

1 SAMUEL 1:2

Elcanaca ishcai huarmitami charirca. Shuc huarmica Ana, caishuc huarmica Peninami carca. Peninaca huahuacunata charircami. Ashtahuanpish, Anaca mana charircachu.

GÉNESIS 18:11

Abrahampish, Sarapish ña yallita yuyaccunami carca. Shinallatac Saraca quilla ungüitapish ña mana ungucchu carca.

GÉNESIS 25:21

Isaacca paipac huarmi mana huahuata chari pudishcamantami Mandac Diosta mañarca. Chashna mañacpica, Mandac Diosca uyarcami. Chaimantami paipac huarmica huicsayuc tucurca.

2 REYES 4:14

Shina nicpimi, Eliseoca paita servictaca: —Shinashpaca, cai huarmimanca ¿Imatatac ruhuashun?— nirca. Shina nicpimi, paita servic Giezica: —Riqui, paica huahuacunata mana charinchu. Paipac cusapish yuyacmi— nirca.

GÉNESIS 17:17

Shina nicpimi, Abrahamca pambacaman cumurishpa, paipac shungupi asishpaca: «¿Patsac huatayuc runachu huahuata charisha? ¿Sarapish iscun chunga huatayuc huarmichu huicsayuc tucugrin?» nicurca.

ROMANOS 4:19

Abrahamca patsac huatayuc cashpapish, ña huañunalla cashpapish, paipac huarmi Sara yuyac cacpipish, huahuata charinataca crircami.

1 REYES 1:1

Jatun mandac David ña achca huatacunata charishcamanta yallita yuyac cacpica, catacunahuanmi pilluchircacuna, shina pilluchicpipish, manatac cunuricchu carca.

GÉNESIS 30:1

Raquelca Jacobopacta mana huahuata chari pudishpami: “Ñucaca Lea cashpachari alli caiman” nic carca. Chaimantami paipac cusataca: —¡Huahuata cui, mana cucpica huañugrinimi!— nirca.

SAN LUCAS 1:5

Judea llactata jatun mandac Herodes mandacui punzhacunapimi, Abías curacunapuramanta Zacarías curapish causarca. Paipac huarmica Aarón curapac huahua huahuapuramanta Elisabetmi carca.

SAN LUCAS 1:6

Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

SAN LUCAS 1:8

Shuc punzhaca, Zacarías curacunapuramanta Diosta mañana huasipi Diospacta ruhuanami pactarca.