SAN LUCAS 1:65 - Dios Rimashcata Quillcashcami

⁶⁵ Chashna tucucpica, tucui vecinocunami yallita mancharirca. Chaica tucui Judea llacta urcucunapimi yacharirca.

Nuevo Testamento en Quichua Cañar 1996

⁶⁵ Chashna tucucpica, tucui cuchullapi causaccunapish munaimi mancharircacuna. Chashna tucushcataca gentecuna parlanacucpica, Judea llacta urcucunapi causaccunapish tucuimi yachac chayarcacuna.

SAN LUCAS 1:65 Referans Kwoze

SAN LUCAS 1:39

Chai punzhacunapica Mariaca, Judea llacta urcucuna chaupipi tiyac shuc pueblomanmi utca rirca.

HECHOS 5:11

Chaita yachashpaca, tandanacushca criccunapish, tucui uyaccunapish yallitami mancharirca.

HECHOS 5:5

Chaita uyashcahuanmi, Ananiasca chaillapitac huañurca. Tucui chaita uyaccunami yallita mancharirca.

HECHOS 2:43

Apostolcunaca milagrocunatapish, mancharinacunatapish tauca cutinmi ruhuarca. Chaita ricushpaca, tucui gentecunami mancharishpa saquirircacuna.

SAN LUCAS 7:16

Chaipi caccuna mancharishpa, Diosta pagui nishpaca: —Dios ima nishcata jatun huillacmi ñucanchic chaupipica ricurishca. Diosmi, pai acllashca gentecunata ricungapac shamushca— nircacuna.

APOCALIPSIS 11:11

Ashtahuanpish quimsa punzha chaupi tucucpica, causaita cuc espirituta Dios cachacpimi, paicunaca causarishpa jatarirca. Chaita ricuccunaca yallitami mancharirca.

HECHOS 19:17

Efeso pueblo israelcunapish, mana israelcunapish chashna tucushcata uyashpaca mancharishpami, Apunchic Jesustaca “allimari cangui” nircacuna.

JOSUÉ 10:40

Chashnami Josueca tucui pueblocunata japirca. Urcucunapi tiyac tucui pueblocunata, Neguev shitashca pambacunata, quingraicunata, chaipi tiyac tucui jatun mandaccunatapish huañuchishpami, shucllatapish mana causacta saquirca. Chashnami israelcunata Mandac Dios mandashca shinallatac shucllatapish mana causacta saquishpa, tucui huañuchirca.

JOSUÉ 10:6

Shina cacpimi, Gabaón pueblopi causaccunaca Josué Gilgalpi carpacunata shayachishpa causacucpi, paipacman huillaccunata cachashpaca: «Canta servic ñucanchictaca ama saquichuyari. Ñucanchicta ayudangapac utca huichaiman shamuiyari. Jahua urcucunapi causac tucui amorreocunata jatun mandaccunami tandanacushpa, ñucanchic-huan macanacungapac shamushca» nirca.

SAN MATEO 2:1

Judea llacta Belén pueblopimi Jesusca huacharirca. Chai punzhacunaca Herodesmi chai llactataca mandacurca. Chaipimi inti llucshina ladomanta, yachaccuna Jerusalén puebloman shamurca. Paicunaca lucerota ricushpa yachacuccunami carca.

SAN LUCAS 5:26

Tucui chaipi caccunami yallita mancharishpa: “Jaicapi mana ricushcatami ricunchic” nishpa, Diostaca “sumacmari cangui” nircacuna.

SAN LUCAS 2:18

Michiccuna parlacpica, tucui uyaccunami mancharishca saquirirca.