SAN LUCAS 1:6 - Dios Rimashcata Quillcashcami

⁶ Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

Nuevo Testamento en Quichua Cañar 1996

⁶ Paicunaca cusandic huarmindictac Diospac ñaupapi alli causaccunami carca. Pipish mana imata juchanchipac, Dios mandashcacunatapish, yachachishcacunatapish tucuita alli pactachiccunami carca.

SAN LUCAS 1:6 Referans Kwoze

GÉNESIS 7:1

Mandac Diosca Noetaca: «Cai tucui gentecunamantaca canllami allita ruhuashpa causashcangui. Chaimanta canpish, tucui familiacunapish huambuc huasiman yaicuichic.

GÉNESIS 17:1

Abram iscun chunga iscun huatayuc cacpimi, Dios ricurishpaca: —Ñucami tucui imatapish ruhuaclla Diosca cani. Imatapish allita ruhuashpa, ñuca ñaupapi purilla.

FILIPENSES 2:15

Chashna ruhuashpami, cai pacha mana cric millai gentecunapac chaupipica, Diospac huahuacuna cashcamanta mana pi juchanchishca, allita ruhuac, achicyachic lucerocuna shina canguichic.

HECHOS 24:16

Chaimantami ñucaca Diospac ñaupapipish, gentecunapac ñaupapipish mana juchanchishca alli causanata munani.

1 REYES 9:4

Cambac taita David causashca shinallatac alli causangui. Tucui shunguhuan ñucata cazushpa, tucuipac allita ruhuashpa, ñuca mandashcacunata pactachishpa, ñuca quillcachishcacunata, imata ruhuachun nishcacunata pactachishpa causangui.

1 TESALONICENSES 3:13

Shinallatac Dios cancunata sinchi cricta ruhuachunmi munanchic. Chashna cashpami, Apunchic Jesús paipaclla caccunahuan shamucpica, ñucanchic Diospac ñaupapica pi mana juchanchipac jucha illac cashun.

JOB 1:1

Uz llactapimi Job shuti shuc runa causarca. Paica cashcata ruhuac, pi mana juchanchipac, Diostapish manchac, millaita ruhuanamanta anchurishcami carca.

1 JUAN 2:3

Diospac mandashcacunata pactachishpaca, paita ricsishcatami yachanchic.

2 PEDRO 3:14

Chaimanta cuyashca criccuna, caicunata shuyacushcamantaca, Dios taripacpi alli ricuringapacca pi mana juchanchishca, ima millaimanta anchurishca, sumacta causacuichic.

JOB 1:8

Shina nicpi, Mandac Diosca Satanastaca: —Ñucata servic Jobca cashcata ruhuac, pi mana juchanchipac, ñucata manchac, millaita ruhuanamanta anchurishca runa cashcataca, ¿manachu ricushcangui? Cai pachapica pai shinaca pipish mana tiyanchu— nirca.

1 JUAN 3:7

Cuyashca huahuacuna, pacta pi cancunata crichinman. Maijanpish cashcata ruhuashpa causacca, cashcata ruhuac Cristo shinallatacmi allita ruhuan.

1 JUAN 2:29

Jesucristo imatapish cashcata ruhuac cashcataca yachanguichicmi. Chashna yachashpaca, maijanpish cashcata ruhuacca Diospac huahua cashcatami yachanguichic.

COLOSENSES 1:22

Shina cacpipish cunanca Cristo runa tucushpa, llaquita apashpa huañushcamantami, Diosca cancunata paihuan alli tucuchun chasquirca. Chashnami cancunataca paipac ñaupapi paipaclla cachun, jucha illac cachun, shinallatac chuyayachishca cachunpish chashnaca ruhuarca.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

1 CORINTIOS 11:2

Cancuna ñuca yachachishcata cazushpa, ñucata yuyarishpa causacushcamantaca alli ninimi.

HECHOS 23:1

Chai tandanacushca mandaccunata ricushpami Pabloca: —Huauquicuna, ñucaca cunan punzhacamanmi, Diospac ñaupapica alli shunguhuan causacuni— nirca.

SALMOS 119:6

Can mandashcacunata tucui pactachishpaca, mana pingaichishcachu casha.

JOB 9:2

«Ari, chashnatacmi. Chaitaca ñucallatac yachanimi. ¿Ima shinatac runaca Diospac ñaupapica cashcata ruhuacmi cani ningayari?

2 REYES 20:3

«Mandac Dioslla, cantami mañani. Cambac ñaupapi mana llullashpa, tucui shunguhuan canta cazushpa causashcataca yuyariyari» nirca. Shina nishpami Ezequiasca yallita cuillata huacarca.

GÉNESIS 6:9

Chai punzhacunapi causaccunapuramantaca Noemi cashcata ruhuac, ima millaita mana ruhuac shinallatac Dios munashca shina causac carca. Noepac huahua huahuacunaca:

SAN LUCAS 16:15

Chaimantami Jesusca: «Cancunaca gentecunapac ñaupapica, cashcata ruhuaclayallami canguichic. Ashtahuanpish Diosca cancuna imata yuyacushcataca yachanmi. Cai pachapi gentecunalla alli nishcacunaca, Diospac ñaupapica millanami can.

DEUTERONOMIO 5:33

Mandac Dios ima shina causachun nishca shina causanguichic. Chashna causashpami, Dios cushca llactata japishpaca, unaita, allita causanguichic.

1 REYES 15:5

Davidca tucui paipac causaipimi alli ruhuashpa, ima mandashcacunatapish pactachishpa Mandac Diospac ñaupapi causarca. Paica heteopura Uriasta llaquichishpallami, Diostaca nanachirca.

SAN LUCAS 1:7

Elisabetca mana huahuata chari pudircachu. Chaimantami huahua illaclla carcacuna. Ña yuyaccunapishmi carca.

SAN LUCAS 2:25

Simeón shuti runami Jerusalenpi causarca. Paica Diosta cazucpish, cashcata ruhuacpishmi carca. Paica israelcunata Dios quishpichingapac shamuctami shuyacurca. Diospac Espiritumi paihuan carca.

HECHOS 2:25

David Jesusmanta huillashpaca: “Ñucata Mandac punzhanta ñucahuan cactami ricuni. Paica ñuca alli ladopimi. Chaimanta ñucataca pi mana urmachingachu.

HECHOS 8:21

Cambac shungu Dios-huan mana alli cashcamantami, paipac podertaca canman mana cun.

ROMANOS 8:4

Chaica, cashcata nic mandashcacunata pactachichunmi, chashnaca ruhuarca. Ñucanchicca mana jucha munashca shinachu causacunchic, ashtahuanpish Diospac Espíritu yuyaita cushca shinami causacunchic.

2 CRÓNICAS 17:4

Paipac taitapac Diosta servishpami, mandashcacunata cazushpa causarca. Israelcuna ruhuashca shinaca mana causarcachu.