SAN LUCAS 1:50 - Dios Rimashcata Quillcashcami

⁵⁰ Diosca paita manchaccunataca huahua huahuacaman llaquicungallami.

Nuevo Testamento en Quichua Cañar 1996

⁵⁰ Taita Diosca maijanpish paita manchashpa cazuccunataca llaquicungallami.

SAN LUCAS 1:50 Referans Kwoze

ÉXODO 20:6

Ashtahuanpish ñucata cuyashpa, ñuca mandashcata cazuccunataca huaranga huaranga miraicamanmi cuyasha.

GÉNESIS 17:7

Canhuanpish, cambac huahua huahuacunahuanpishmi ari nishcata callarichisha. Cambacpish, cambac huahua huahuacunapacpish Dios cangapacmi, huiñaipac ari nisha.

SALMOS 145:19

Paita manchaccuna ima munashcataca pactachingami. Shinallatac caparishpa mañashcata uyashpami quishpichinga.

SALMOS 118:4

Mandac Diosta manchaccuna: «¡Mandac Diosca huiñaita llaquicmi!» nichicyari.

SALMOS 103:11

Cai pachamantaca jahua pachaca ashtahuanmi jahuaman. Chai shina jatun cuyaitami charin. Paita manchaccunataca yallitami cuyan.

SALMOS 31:19

¡Canta manchaccunapacca mai allimi cangui! Paicunataca yallitami cuyangui. Huañunalla gentecunapac ñaupapimi chai cuyaitaca canta shuyaccunaman ricuchishcangui.

SALMOS 115:13

Mandac Diosta manchaccunataca jatuncunatapish, uchillacunatapish bendiciangami.

APOCALIPSIS 19:5

Chai quipaca mandashpa tiyarinamantami shuc rimashca uyarishpaca: «¡Diosta cazushpa paipacta ruhuaccunaca uchillacunapish, jatuncunapish ñucanchicta Mandac Diosta alabaichic!» nirca.

SALMOS 147:11

Mandac Diosca paita manchaccunahuan shinallatac pai llaquichun shuyaccunahuanmi cushicun.

SALMOS 85:9

Ñallami paita manchaccunata quishpichinga. Chashna ruhuacpica, ñucanchic llactapimi sumaimana Diosca ñucanchic-huan causanga.

SAN LUCAS 1:49

Imatapish ruhuaclla Diosca mancharinacunatami ruhuashca. Paica jucha illacmi.

2 REYES 17:39

Ashtahuanpish cancunata Mandac Dios ñucallatami manchana canguichic. Ñucami cancunata piñaccunapac maquimanta cacharichisha» nirca.