LEVÍTICO 9:10 - Dios Rimashcata Quillcashcami

¹⁰ Mandac Dios Moisesta mandashca shinallatacmi juchata pichachun cushca animal huiratapish, riñoncunatapish, yana shungu huiratapish altarpi rupachirca.

LEVÍTICO 9:10 Referans Kwoze

ISAÍAS 66:2

Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

ISAÍAS 53:10

Chaica, Mandac Diosmi paita llaquichinata munarca. Ñucanchic juchacunamanta animalta tucui rupachic shina, pai tucushcataca quipa miraicuna ricungami. Shinallatac unaitami causanga. Mandac Dios munashca shinami causanga.

PROVERBIOS 23:26

Ñuca huahualla, tucui shunguhuan ñucata uyaiyari. Cambac ñahuihuanca ñuca ima shina causashcata ricuiyari.

SALMOS 51:17

Can Diosca animalta chasquinapac randica shungu paquirishcatami chasquingui. Dioslla, shungumanta llaquirishpa cambacman cuchuyactaca mana piñanguichu.

ÉXODO 29:13

Yana shunguta, chunzhullita tapashca huiratapish, ishcai riñón huiratapish llucchishpa, altar jahuapi rupachingui.

LEVÍTICO 9:9

Aaronpac churicunaca chai yahuarta apashpa, dedota yahuarpi satishpami altar gachucunapi cahuirca. Cutin puchu yahuartaca altar chaquipimi tallirca.

LEVÍTICO 9:11

Ashtahuanpish aichataca carandimi carpa huasimanta caruman apashpa rupachirca.