LEVÍTICO 8:35 - Dios Rimashcata Quillcashcami

³⁵ Dios-huan tupana huasi pungumantaca canchis punzhacaman ama anchuringuichicchu. Tutapish, punzhapish chaipi canguichic. Cancuna mana huañungapacca, cai mandashcacunatami pactachina canguichic. Mandac Diosca chashnami ñucataca mandarca» nirca.

LEVÍTICO 8:35 Referans Kwoze

1 REYES 2:3

Canta Mandac Dios imata ruhuachun nishcatapish pactachishpa, paipac ñanpi puringui. Moisés mandashcacunapi nishca shinallatac pai quillcachishcacunata, mandashcacunata, pai huillashcacunata, ima shina causanata pai yachachishcacunata alli ricushpa cazungui. Can chashna alli pactachicpica, imata can ruhuashpapish, imata ruhuai callaricpipish, allimi llucshinga.

DEUTERONOMIO 11:1

Cancuna Mandac Diosta cuyanguichic. Pai mandashcacunata, pactachinacunata, yachachishcacunata punzhanta cazunguichic.

NÚMEROS 9:19

Mandac Diospac carpa huasi jahuapi puyu unai punzhacunata cacpica, israelcunaca Mandac Dios mandashcata cazushpami, mana ric carca.

NÚMEROS 3:7

Ñucahuan tupana huasipi Aarón mandashcata, israelcuna ruhuana cashcata ruhuachun churai.

HEBREOS 7:28

Moisés mandashcaca juchayuc runacuna jatun mandac cura cachun nin, ashtahuanpish Dios, pai ari nishpaca, Moisés mandashcacunamanta quipa cashpapish, huiñaita pactachic paipac Churitami jatun mandac cura cachun nin.

2 TIMOTEO 4:1

Canmanca Diospac ñaupapi, shinallatac huañushcacunatapish, causaccunatapish Jatun Mandac, taripangapac shamuc Apunchic Jesucristopac ñaupapimi caitaca mingani.

1 TIMOTEO 6:20

Timoteo, tucui canman mingashcacunataca allita huacaichingui. “Caicunaca alli yachanami” nishpa, piñanacuipi churac yanga yachanacunataca pacta uyanguiman.

1 TIMOTEO 6:17

Cai pachapi achcata chariccunataca: “Ama jatun tucushpa, chingarinalla charishcapi ama shunguta churangui” nishpa rimangui. Chaipac randica, ñucanchicman imallatapish atic aticta cushpa cushichic Diospi shunguta churachun ningui.

1 TIMOTEO 6:13

Cantaca tucui cai pachapi causaita cuc Diospac ñaupapi, shinallatac mandac Pilatoman cashcata nishpa allitac huillac Jesucristopac ñaupapimi, caicunataca mandani.

1 TIMOTEO 5:21

Diospac, Quishpichic Jesucristopac, shinallatac Diospac acllashca angelcunapac ñaupapimi, pimanpish mana tucushpa, imapish cashcallata ruhuachun nishpa caicunataca mingani.

1 TIMOTEO 1:18

Cuyashca ñuca huahua shina Timoteo, utcaman Diosmanta huillaccuna canmanta huillashca shinallatacmi, alli soldado shina Diospacta ruhuachun nishpa canmanca cai mandashcata mingani:

2 CORINTIOS 7:1

Cuyashca criccuna, Dios ñucanchicman allicunata cushami nishcamantaca, Diosta manchashpa cuerpotapish, almatapish tucui imapish mapayachinamanta huacaichirishpa, chuyanlla causashunchic.

EZEQUIEL 48:11

Sadocpac huahua huahua curacunaca israelcuna ñucata saquishpa ricpipish, ñucata servishpami catirca. Paicunaca mana levita curacuna shina pandarircachu.

EZEQUIEL 43:25

Canchis punzhacaman cari chivota, ima mana tucushca becita, maltón ovejata juchacunamanta ñucaman cushpa rupachingui.

NÚMEROS 19:12

Paica quimsa punzhapi, canchis punzhapi chuyayana yacuhuan armarishpami chuya saquiringa. Quimsaniqui punzhapish, canchisniqui punzhapish mana armarishpaca mapallatacmi canga.

LEVÍTICO 14:8

Chai quipami churanata chuyayac runaca paipac churanata tacshashpa, acchatapish, tucui ñuto millmacaman ruturishpa, armarishpa, ña chuya saquiringa. Chai quipaca carpa huasicunaman shamushpami, mana ucuman yaicushpa, canchis punzhacaman canzhallapi causanga.

LEVÍTICO 10:1

Aaronpac churi Nadab, Abiú curacunami incienso rupachinapi ninata japichishpa, Mandac Diospac ñaupapi inciensota rupachicurca. Chashnami manapish Mandac Dios mandacpimi, yanga inciensota churashpa rupachicurca.

LEVÍTICO 8:30

Chai quipami Moisesca altarpi tiyac yahuartapish, cahuina aceitetapish japishpa Aaronpipish, paipac churicunapipish, paicunapac churanacunapipish chiraparca. Chashna ruhuacpimi, Aaronpish, churicunapish, churanacunapish Diospaclla saquirirca.

ÉXODO 29:35

Aarontapish, paipac churicunatapish ñuca nishca shina, tucuita ruhuangui. Chaicunataca canchis punzhapi ruhuangui.

LEVÍTICO 8:34

Cunan ruhuashca shinallatac ruhuachunmi, Mandac Diosca cancunapac juchamanta cuchun mandarca.

LEVÍTICO 8:36

Aaronpish, paipac churicunapish Mandac Dios Moisesta mandashca shinallatacmi ruhuarca.