LEVÍTICO 8:15 - Dios Rimashcata Quillcashcami

¹⁵ Moisesca chai becita huañuchishpa, yahuarpi dedota satishpa, Diosman cushpa rupachina altar gachucunapi cahuishpa, Diospacllata ruhuarca. Puchu yahuartaca altar chaquipimi tallirca. Shina tallicpimi, chai altarca Dios-huan alli tucungapac rupachina altar saquirirca.

LEVÍTICO 8:15 Referans Kwoze

LEVÍTICO 4:7

Curallatacmi asha yahuarta japishpa, Dios-huan tupana huasi ucupi tiyac mishquilla ashnacuc incienso rupachina altar gachucunapi cahuinga. Puchushca yahuartaca Dios-huan tupana huasi yaicunapi tiyac tucui rupachina altar chaquipi tallinga.

HEBREOS 2:17

Paica, ayudangapacca paipac huauquicuna shinami tucurca. Chashna ayudashpami jatun mandac cura tucushpa, llaquishpa tucui gentecunapac juchacunata anchuchirca. Chashnami Diosta tucuita cazushpa servirca.

EFESIOS 2:16

Cristoca cruzpi huañushpami, israelcunahuan mana israelcunahuan piñanacushcata allichishpa, shuc shinallatac ruhuashpa, Dios-huan alli tucuchun saquirca.

ROMANOS 5:10

Dios ñucanchic-huan piñashca cashpapish, paipac Churi huañushcamantami ñucanchicta chasquirca. Ña chashquishca cashpacarin Cristo causacushcamantami quishpichishca cashun.

DANIEL 9:24

Israelcunapacpish, Diospac acllashcacunapacpishmi canchis chunga semanacunata chicanyachishca tiyacun. Chai semanacunapimi mana cazunatapish, juchata ruhuanatapish saquinga. Shinallatac chai semanacunallapitacmi mana allita ruhuashcatapish pichanga, huiñaita cashcata ruhuanga. Muscuipi shina ricushcatapish, Dios huillachishcatapish sellanga. Shinallatac Diospac caccunata aceitehuan cahuishpa ashtahuan Diospacllata ruhuanga.

EZEQUIEL 45:20

Chai callari quilla, canchis punzhapica maijan mana yachashpa juchallishcamantapish, manapish quiquin munaimanta juchallishcamantapish chashnallatac ruhuanguichic. Chashna ruhuacpimi, ñuca huasica mapa illac saquiringa.

2 CRÓNICAS 29:24

Chai quipami curacunaca chivocunata huañuchirca. Shina huañuchishpami, chai chivocunapac yahuartaca tucui israelcuna Dios-huan alli tucuchun cushpa altarpi chiraparca. Jatun mandacca tucui israelcunatami Mandac Dios-huan alli tucuchun, paicunapac juchamanta chai animalcunata huañuchishpa tucui rupachichun mandashca carca.

LEVÍTICO 16:20

Aaronca ñucapaclla chicanyachishca ucutapish, ñucahuan tupana huasitapish, altartapish ñucapacllata ruhuashca quipami causac chivota apachun cachanga.

LEVÍTICO 6:30

Juchamanta Dios-huan tupana huasi ucupi tiyac altarman apashca yahuartaca mana micunachu. Chaitaca tucuimi rupachina can.

LEVÍTICO 4:30

Chaimantaca curami chai yahuarpi dedota satishpa, Diosman cushpa rupachina altar gachucunapi cahuinga. Cutin puchushca yahuartaca chai altar chaquipimi tallinga.

LEVÍTICO 3:8

chai oveja umapi maquita churashpa Dios-huan tupana huasi ladopi huañuchinga. Aaronpac churi curacunami chai yahuartaca altar muyundipi chirapanga.

LEVÍTICO 3:2

Chai huagra umapi paipac maquita churashpami, Dios-huan tupana huasi yaicunapi huañuchinga. Chai quipaca Aaronpac churi curacunami yahuartaca altar muyundipi chirapanga.

LEVÍTICO 1:11

Chai animaltaca altar jahua ladopimi Mandac Diospac ñaupapi huañuchina can. Chai yahuartaca Aaronpac churi curacunami altar muyundipi chirapanga.

LEVÍTICO 1:5

Chai becitaca Mandac Diospac ñaupapimi huañuchina can. Chai beci yahuartaca Aaronpac churi curacunami Dios-huan tupana huasi yaicunapi cac altar jahua muyundipi chirapanga.

LEVÍTICO 4:25

Chai juchamanta cushpa huañuchishca yahuartaca curami maqui dedohuan apashpa, Diosman cushpa, tucuita rupachina altar gachucunapi cahuinga. Chai puchu yahuartaca chai altar chaquipimi tallinga.

NÚMEROS 8:12

Chai quipami levitacunaca becicunapac uma jahuapi maquita churanga. Chashna churacpica, shuc becitaca juchata pichachun, shuctaca levitacuna jucha illac saquirichun, ñucaman cushpa tucui rupachingui.